شادی صرف 75 ہزار روپے میں،خیبر پختونخوا میں جہیز پر پابندی لگانے کا بل تیار

شادی صرف 75 ہزار روپے میں،خیبر پختونخوا میں جہیز پر پابندی لگانے کا بل تیار
شادی صرف 75 ہزار روپے میں،خیبر پختونخوا میں جہیز پر پابندی لگانے کا بل تیار

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

پشاور(ڈیلی پاکستان آن لائن)خیبر پختونخوا میں جہیزپر پابندی لگانے کا بل تیار کرلیا گیا ہے اور بل آج خیبرپختونخوا اسمبلی میں پیش کئے جانے کا امکان ہے۔تفصیلات کے مطابق خیبر پختونخوا میں اب شادی پر صرف 75 ہزار روپے خرچ کیے جاسکتے ہیں جس کیلئے جماعت اسلامی کی رکن اسمبلی راشدہ رفعت کی جانب سے ایک بل اسمبلی میں پیش کیا جائے گا۔

”عمران خان سپر سٹار ،میں گلی ڈنڈے کا کھلاڑی ہوں،شائقین کےساتھ بیٹھ کر سیٹیاں بجاﺅں گا“،شیخ رشید

بل میں تجویز دی گئی ہے کہ تحائف سمیت ولیمہ اوردیگراخراجات75 ہزارسے زائد نہیں ہونگے،دلہا دلہن کو 10 ہزار روپے تک کاہی تحفہ دیا جا سکے گا۔مجوزہ بل میں کہا گیا ہے کہ نکاح اور بارات میں مہمانوں کی تواضع صرف مشروبات سے کی جائے گی ،ولیمے میں چاول،گریوی اور میٹھے کے علاوہ دیگرپکوان پر پابندی ہوگی۔بل میں مزید تجویز دی گئی ہے کہ جہیز میں نقدرقم یادیگر لوازمات رکھنے پر قا نونی کارروائی ہو گی اورجہیز پر مجبورکرنے والوں کو 2ماہ قید اور 3لاکھ جرمانے کی سزاسنائی جاسکے گی جبکہ والدین یا دیگر رشتہ داردلہن کو صرف تحا ئف دے سکیں گے۔

عمر اکمل کا ایک بار پھر ٹریفک وارڈنز سے جھگڑا

مزید : پشاور