آپریشن ” ردالفساد“ کے ذریعے فسادیوں کو انجام تک پہنچائیں گے:آرمی چیف

آپریشن ” ردالفساد“ کے ذریعے فسادیوں کو انجام تک پہنچائیں گے:آرمی چیف

راولپنڈی(ڈیلی پاکستان آن لائن)آرمی چیف جنرل قمر جاوید باجوہ نے کہا ہے کہ آپریشن ” ردالفساد“ کے ذریعے فسادیوں کو انجام تک پہنچائیں گے اور اپنے ملک میں معاملات کو معمول پر لانے کیلئے اپنا حصہ ڈالیں گے

فوج کے ادارہ تعلقات عامہ کے مطابق آرمی چیف جنرل قمر جاوید باجوہ نے ملتان گریژن کا دورہ کیا ،آرمی چیف کو کور کی آپریشنل تیاریوں کے حوالے سے تفصیلی بریفنگ دی گئی ۔آرمی چیف نے فوجیوں کو مردم شماری کے حوالے سے دی جانے والی تربیت کا بھی مشاہدہ کیا اور تیاریوں کی تعریف کرتے ہوئے کہاکہ مردم شماری ایک اہم قومی معاملہ ہے ،مردم شماری کےلئے پاک فوج بھرپور تعاون کرے گی۔

آئی ایس پی آر کے مطابق آرمی چیف نے مظفر گڑھ فائرنگ رینج میں تربیتی مشقیں بھی دیکھیں ،جنرل قمر جاوید باجوہ نے فوجی جوانوں کے تربیتی معیار اور تیاریوں کی تعریف کی اور کہا کہ پاک فوج حالیہ جنگی تجربات کے نتیجے میں اپنا ثانی نہیں رکھتی ۔فوجی افسروں اور جوانوں سے گفتگو کرتے ہوئے آرمی چیف جنرل قمر جاوید باجودہ نے کہاکہ مسلح افواج کا داخلی سلامتی میںاہم کردار ہے،آپریشن ” ردالفساد“ کے ذریعے فسادیوں کو انجام تک پہنچائیں گے اور اپنے ملک میں معاملات کو معمول پر لانے کیلئے اپنا حصہ ڈالیں گے ۔

اس سے قبل ملتان گریژن پہنچے پر آرمی چیف کا کورکمانڈر ملتان لیفٹیننٹ جنرل سرفراز ستار نے استقبال کیا۔انسپکٹر جنرل ٹریننگ اینڈ ایولیوشن لیفٹیننٹ جنرل ہدایت الرحمان بھی اس موقع پر موجود تھے ۔

مزید : قومی /اہم خبریں

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...