تحریک انصاف کے اراکین اسمبلی نے اپنی جماعت میں بغاوت کرنیوالوں کی پٹائی کردی

تحریک انصاف کے اراکین اسمبلی نے اپنی جماعت میں بغاوت کرنیوالوں کی پٹائی کردی
تحریک انصاف کے اراکین اسمبلی نے اپنی جماعت میں بغاوت کرنیوالوں کی پٹائی کردی

  

کراچی (ڈیلی پاکستان آن لائن)سندھ اسمبلی کا اجلاس ہنگامہ آرائی کا شکار ہوگیا، پی ٹی آئی اور پیپلزپارٹی کے ارکان گتھم گتھا ہو گئے۔

نجی ٹی وی سما نیوز کے مطابق پی ٹی آئی کے تین ناراض ارکان سندھ اسمبلی پہنچے تو پیپلزپارٹی کے ارکان کی جانب سے تالیاں بجائی گئیں ،تینوں ارکان کے داخل ہوتے ہی پی ٹی آئی کے ایم پی ایز نے انہیں گھیر لیاجس پر پی ٹی آئی ارکان اسمبلی اورناراض ایم پی ایزمیں تلخ کلامی ہوئی اور ہاتھا پائی ہوئی، پی ٹی آئی ارکان اسمبلی نے ناراض ایم پی ایز کو زمین پر لٹا دیا، ناراض ایم پی ایزپر لاتوں اورگھونسوں کی بارش کردی جس پر پیپلزپارٹی کے ارکان اسمبلی انہیں بچانے کیلئے آگے بڑھے تو پی ٹی آئی اورپی پی پی کے ارکان اسمبلی بھی آپس میں گتھم گتھا ہو گئے۔

پی ٹی آئی کے خرم شیر زمان ناراض ایم پی اے کریم بخش گبول کو اپنے ساتھ لے گئے جس پر سندھ اسمبلی کااجلاس کچھ دیر کیلئے ملتوی کر دیا گیا

مزید :

اہم خبریں -قومی -علاقائی -سندھ -کراچی -