’علی حیدر گیلانی کی ویڈیو اوپن اینڈ شٹ کیس، الیکشن کمیشن یوسف رضا گیلانی کو نا اہل قرار دے‘ کامران خان کا مطالبہ
کراچی (ڈیلی پاکستان آن لائن) اینکر پرسن کامران خان کا کہنا ہے کہ علی حیدر گیلانی کی ویڈیو یوسف رضا گیلانی کے خلاف اوپن اینڈ شٹ کیس ہے۔
اپنے ٹویٹ میں کامران خان نے کہا کہ ویڈیو سامنے آنے کے بعد یوسف رضا گیلانی خود ہی سینیٹ الیکشن سے دستبردار ہوجائیں اور اگر وہ ایسا نہیں کرتے تو الیکشن کمیشن کو چاہیے کہ دھاندلی کی کوشش پر انہیں نا اہل قرار دے ۔ انہوں نے مطالبہ کیا کہ سپریم کورٹ کی کل کے الیکشن میں ٹیکنالوجی کے استعمال کی خواہش پر عملدرآمد ہونا چاہیے۔
Video presents an open and shut case against Yusuf Reza Gillani, he must step down from Senate Election or ECP stop playing silent spectator to this blatant attempt to rig election and disqualify him. SC desire to introduce technology in tomorrow’s ballot must be complied
— Kamran Khan (@AajKamranKhan) March 2, 2021
ایک اور ٹویٹ میں کامران خان نے کہا کہ الیکشن کمیشن خاموش نہ رہے فوراً ایکشن لے، یوسف رضا گیلانی کے بیٹے کی ویڈیو میں سامنے آنے والی کوشش کہ دھاندلی سے حفیظ شیخ کو ہروایا اور والد کو جتوایا جائے۔ اس کے بعد الیکشن کمیشن یہ ثابت کرے کہ وہ آزاد ہے ۔
انہوں نے کہا کہ ’نواز شریف صاحب کے وعدوں ارادوں عزائم کے برعکس ن لیگ نے خفیہ بیلٹ کی حمایت کرکے اس فلمبند دھاندلی کی راہ ہموار کی۔‘
الیکشن کمیشن خاموش نہ رہے فورا ایکشن لے چینلز پر یوسف رضا گیلانی کے بیٹے کی وڈیو کوشش کہ دھاندلی سے حفیظ شیخ کو ہروایا اور والد کو جتوایا جائے ECP ثابت کرے وہ آزاد ہے نواز شریف صاحب وعدوں ارادوں عزائم کے برعکس ن لیگ نے خفیہ بیلٹ حمایت کرکے اس فلمبند دھاندلی کی راہ ہموار کی pic.twitter.com/S2mWuXugd0
— Kamran Khan (@AajKamranKhan) March 2, 2021
خیال رہے کہ یوسف رضا گیلانی کے صاحبزادے علی حیدر گیلانی کی ایک ویڈیو منظر عام پر آئی ہے جس میں وہ پی ٹی آئی ایم این اے سے سینیٹ الیکشن کیلئے ووٹ کا سودا کرتے ہوئے نظر آرہے ہیں۔ ویڈیو میں دیکھا جاسکتا ہے کہ علی حیدر گیلانی پی ٹی آئی کے رکن قومی اسمبلی کو ووٹ ضائع کرنے کا طریقہ بھی بتا رہے ہیں۔
