شاہد آفریدی کی سالگرہ، ہونیوالے داماد شاہین شاہ آفریدی نے پیار بھرا پیغام جاری کردیا

شاہد آفریدی کی سالگرہ، ہونیوالے داماد شاہین شاہ آفریدی نے پیار بھرا پیغام ...
شاہد آفریدی کی سالگرہ، ہونیوالے داماد شاہین شاہ آفریدی نے پیار بھرا پیغام جاری کردیا
سورس: Twitter/@iShaheenAfridi

  

کراچی (ویب ڈیسک) قومی کرکٹ ٹیم کے سابق کپتان شاہد خان آفریدی آج اپنی سالگرہ منارہے ہیں اور  نوجوان فاسٹ بولر شاہین شاہ آفریدی نے اپنے ہونے والے سسر شاہد آفریدی کی سالگرہ پر پیار بھرا پیغام بھیجا۔

شاہین آفریدی نے سوشل میڈیا پر پوسٹ کرتے ہوئے شاہد آفریدی کو سالگرہ کی مبارک باد دیتے ہوئے لکھا کہ'آپ کرکٹ کی دنیا کے سپر اسٹار اور پاکستان کا فخر  ہیں، آپ ایسے ہی دنیا بھر کے کروڑوں لوگوں کے لیے روشنی کا باعث بنتے رہیں، آمین'۔اس  کے علاوہ قومی ٹیم کے فاسٹ بولر شعیب اختر نے بھی شاہد آفریدی کو سالگرہ کی مبارک باد دی اور کہا کہ' لالا اب تو صحیح والی عمر بتادے'۔

واضح رہے کہ شاہد آفریدی کی صحیح تاریخ پیدائش کے حوالے سے ہمیشہ ہی باتیں کی جاتی رہی ہیں۔

کرکٹ ویب سائٹ کرک انفو کے مطابق آفریدی نے اپنی سوانح عمری گیم چینجر میں انکشاف کیا تھا کہ وہ 1975 میں پیدا ہوئے تھے۔ تاہم پبلیکیشن کا کہنا تھا کہ آفریدی نے کتاب میں مہینہ یا دن شیئر نہیں کیا تاہم  کرک انفو  کے پلیئر پروفائل پیجز اور آفیشل ریکارڈز  پر ان کی تاریخ پیدائش یکم مارچ 1980 درج ہے۔

مزید :

کھیل -