مجھے پاکستانی اور مسلمان ہونےکی وجہ سے نشانہ بنایا جارہا ، زیک گولڈ سمتھ نمایاں ہیں : میئر لندن

مجھے پاکستانی اور مسلمان ہونےکی وجہ سے نشانہ بنایا جارہا ، زیک گولڈ سمتھ ...
مجھے پاکستانی اور مسلمان ہونےکی وجہ سے نشانہ بنایا جارہا ، زیک گولڈ سمتھ نمایاں ہیں : میئر لندن

  IOS Dailypakistan app Android Dailypakistan app

\لندن (ڈیلی پاکستان آن لائن )لندن کے میئر صادق خان کا کہنا ہے کہ انہیں پاکستانی اور مسلمان ہونےکی وجہ سے نشانہ بنایا جارہا ہے اور 2016 میں زیک گولڈ سمتھ نے ان کے خلاف اسلاموفوبک حملوں کی بنیاد رکھی۔
جیونیوز سے گفتگو کرتے ہوئے میئر لندن نے کہا کہ زیک گولڈ سمتھ نے میرے خلاف پاکستانی اور مسلمان ہونے پرنسل پرستانہ مہم چلائی، جیو نیوز نے میرے خلاف چلنے والی اسلاموفو بک مہم کا بھانڈا پھوڑا تھا۔صادق خان نے کہا کہ لندنستان اور مسلم سیلیپر سیل جیسے الفاظ کا استعمال خطرناک ہے، مسلمان معاشرے کا حصہ ہیں وہ معاشرے میں قبولیت کے لیے اورکیا کریں، رشی سونک اور ان کی کابینہ مجھ پر الزامات لگانے والے کو نسل پرست کہنے سے خوفزدہ ہیں۔انہوں نے مزید کہا کہ رشی سونک اور دیگر اسلامو فوبک کا لفظ استعمال ہی نہیں کرتے، 2016 کی طرح پھر میرے خلاف نسل پرستانہ مہم شروع کردی گئی ہے، مجھے مسلمان اور پاکستانی کہہ کر لوگوں کو ووٹ دینے سے ڈرایا جائےگا۔
صادق خان کا کہنا تھا کہ میرے خلاف مہم چلانے والوں میں مرکزی دھارے کے سیاستدان شامل ہیں، سویلا بریوربتائیں کہ مسلمان کون سے شعبوں پر قابض ہوئے ہیں، نسل پرستی دیکھ کر سیاست سے دور نہ ہوں بلکہ اس کا حصہ بنیں۔میئر لندن نے کہا کہ مشکلات کے باوجود لندن میں جرائم کی وارداتوں کو نیچے لائے ہیں۔