کیا واقعی بھارتی اداکار نصیر الدین شاہ بیمار ہیں؟ اہلخانہ کا بیان آگیا

کیا واقعی بھارتی اداکار نصیر الدین شاہ بیمار ہیں؟ اہلخانہ کا بیان آگیا
کیا واقعی بھارتی اداکار نصیر الدین شاہ بیمار ہیں؟ اہلخانہ کا بیان آگیا

  

ممبئی(ڈیلی پاکستان آن لائن)بھارتی اداکاری نصیرالدین شاہ کی بیماری کے حوالے سے سوشل میڈیا پر پھیلی افواہوں پر ان کے اہلخانہ کا ردعمل آگیا۔ رواں ہفتے سوشل میڈیا پر ایسی خبریں چل رہی تھیں جن پر کہا جا رہا تھا کہ نصیر الدین شاہ کی طبیعت کافی ناساز ہے اور وہ ممبئی کے ایک ہسپتال میں زیر علاج ہیں۔ تاہم ان کے گھروالوں نے بھارتی میڈیا سے گفتگو کے دوران ان خبروں کی سختی سے تردید کی ہے،

نصیر الدین شاہ کے اہلخانہ کے مطابق نصیر کی طبیعت بالکل ٹھیک ہے اور وہ ممبئی میٰں اپنے گھر میں خیریت سے ہیں۔

نصیرالدین شاہ کے بیٹے ویوان شاہ نے بھی سماجی رابطے کی ویب سائٹ ٹویٹر پر اپنے والد سے متعلق پھیلی افواہوں کو جھوٹ قراردیا ہے۔ انہوں نے کہا کہ وہ تندرست ہیں اور عرفان بھائی اور چنٹو جی(رشی کپور) کے انتقال پر افسردہ اور دعاگو ہیں۔

خیال رہے کہ بالی ووڈ کے دوبہترین ادکارایک دن کے وقفے سے انتقال کرگئے ہیں۔ بدھ کو لیجنڈ اداکار عرفان خان جبکہ جمعرات کو کپورخاندان کا بڑا نام رشی کپور انتقال کرگئے۔

عرفان بڑی آنت کے انفکیشن جبکہ رشی کینسر کی وجہ سے انتقال کرگئے جس پر دنیا بھرمیں  موجود بالی ووڈ ستاروں کے مداحوں نے گہرے دکھ  اور رنج کااظہارکیا۔

مزید :

تفریح -