میسی اپنی فیملی کے ہمراہ کس ملک میں چھٹیاں گزار رہے ہیں ؟
ریاض ( وقار وامق ) لیونل میسی اپنی فیملی کے ہمراہ کس ملک میں چھٹیاں گزار رہے ہیں ؟ یہ ٹوئیٹر پر انہوں نے خود بتایا اور تصاویر بھی شیئر کیں ۔ ارجنٹائن کو فیفا ورلڈکپ جتوانے والے میسی اپنے اہلخانہ کے ہمراہ چھٹیاں منانے سعودی عرب میں ہیں ۔ان کا یہ دورہ سعودی عرب کے وژن 2030 کا حصہ ہے۔
I am happy to welcome #Messi and his family to Saudi to enjoy the magical tourist destinations and authentic experiences.
— Ahmed Al Khateeb أحمد الخطيب (@AhmedAlKhateeb) May 1, 2023
We welcome visitors from all around the world to experience a unique trip to Saudi Arabia and its hospitality. ????????#WelcomeMessi pic.twitter.com/QQGdnAqQ08
سعودی عرب کےوزیر سیاحت احمد الخطیب نے بھی سماجی رابطے کی سائٹ ٹوئٹر پر تصاویر شیئر کرتے ہوئے میسی کو خوش آمدید کہا ۔ تصاویر میں میسی اور ان کی اہلیہ کو ایک پارک میں ساتھ بیٹھے دیکھا جاسکتا ہے جبکہ ایک اور تصویر میں وہ اپنے بیٹوں کے ہمراہ ہرن کو کھانا کھلا رہے ہیں۔ مارچ میں سعودی وزیر سیاحت نے آگاہ کیا تھا کہ میسی مئی میں اہلخانہ کے ہمراہ مملکت کا وزٹ کریں گے۔
اس سے قبل میسی نے گزشتہ سال مئی میں بھی سعودی عرب کا دورہ کیا تھا، اس دورے میں میسی نے جدہ کے ایک سالانہ تہوار میں شرکت کی تھی۔ میسی سعودی عرب کے وزارت سیاحت کے پروموشنل برانڈ وزٹ سعودی کے سفیر ہیں۔