زندگی میں تجربات نہیں کئے تو پھر کیا جیئے،مناہل شاہ

لاہور (فلم رپورٹر) ماڈلنگ کی دنیا میں شہرت کی بلندی کوچھونے والی مناہل شاہ نے اداکاری کے میدان میں بھی خوب زور آزمائی کی ۔ ان کا کہنا ہے کہ زندگی میں تجربات نہیں کئے تو پھر کیا جیئے۔ اداکاری ہمیشہ میری پہلی ترجیح اور پسند رہے گی۔ مجھے عام روٹین سے ہٹ کر کام کرنا اچھا لگتا ہے۔ان خبروں میں کوئی صداقت نہیں ہے کہ میں نے شوبز کو خیرباد کہہ دیا ہے ۔میں کچھ عرصہ کے لئے اپنی نجی مصروفیات کی وجہ سے شوبز سے دور تھی ۔میں جلد ہی نئے پراجیکٹس میں اداکاری کرتی ہوئی نظر آؤں گی۔