خیبرپختونخوا کی سرکاری گاڑی میں اسلحہ سمگل کرنیوالا ملازم گرفتار
اٹک ( آن لائن)خیبرپختونخوا کی سرکاری گاڑیوں میں اسلحہ کی سمگلنگ کا انکشاف ہوا ہے ، خوشحال چیک پوسٹ پر سرکاری گاڑی سے بڑی تعداد میں اسلحہ پکڑلیا گیا ،ڈرائیور اور پوسٹ آفس کے ملازم کو گرفتار کرکے مقدمہ درج کرلیاگیا۔ میڈیا رپورٹس کے مطابق خوشحال چیک پوسٹ پر خیبرپختونخوا کی سرکاری گاڑی کی تلاشی کے دوران اسلحہ برآمد کرکے سمگلنگ کی کوشش ناکام بنادی گئی جبکہ گاڑی کا ڈرائیور اور پوسٹ آفس کا ملازم گرفتار کرکے مقدمہ درج کرلیاگیا۔پولیس کے مطابق بنوں پوسٹ آفس کی گاڑی پراسلحہ اسمگل کیاجارہاتھا۔پولیس نے مزید تفتیش شروع کردی ہے اور اس کے پیچھے چھپے بڑے سمگلر کی تلاش کیلئے بھی کام شروع کردیا گیا ۔
