ایکسائز اینڈ ٹیکسیشن کے 6 افسران کی ترقی،نوٹیفکیشن جاری
لاہور(سپیشل رپورٹر) حکومت پنجاب نے ایکسائز اینڈ ٹیکسیشن کے 6 افسران کو ترقی دے دی۔ سیکرٹری ایکسائز اینڈ ٹیکسیشن پنجاب کے نوٹیفکیشن کے مطابق ایکسائز اینڈ ٹیکسیشن آفیسر محمد وحید چودھری کو گریڈ 17 میں ریگولر کرتے ہوئے ای ٹی او زون 2 ریجن ا ے لاہور کے عہدے پر جاری رکھنے کی ہدایت کی ہے۔ محمد سیلم بٹ ای ٹی او انٹرٹینمنٹ ریجن ہی کو بھی گریڈ 17 میں ریگولر کردیا گیا ہے ، چودھری قربان علی شاہد ای ٹی وی وہاڑی کو بھی ریگولر گریڈ 17 دیا گیا ہے، جبکہ شہباز سرور خان ای ٹی او پاکپتن، مسعود بشیر وڑائچ ای ٹی او موٹر رجسٹریشن اتھارٹی راولپنڈی او عرفان مسعود غوری ای ٹی او زون 14 ریجن ہی لاہور کو عارضی بنیادوں پر سکیل 17 میں ترقی دے کر کام جاری رکھنے کی ہدایت کی گئی ہے۔
