سونم کپورکو منگل سوتر ہاتھ میں پہننا مہنگا پڑ گیا

سونم کپورکو منگل سوتر ہاتھ میں پہننا مہنگا پڑ گیا

  IOS Dailypakistan app Android Dailypakistan app


ممبئی(یوا ین پی) بالی ووڈ اداکارہ سونم کپور کو انند آہوجا سے شادی کے بعد منگل سوتر گلے میں پہننے کے بجائے ہاتھ میں پہننا مہنگا پڑگیا۔بالی ووڈ میں کئی دنوں سے بالی ووڈ اداکارہ سونم کپور اور فیشن ڈیزائنرانند آہوجا کی شادیوں کے چرچے تھے اور بالی ووڈ ستاروں کی تمام تر توجہ سونم کی شادی پر ہی تھی تاہم رشتہ ازدواج میں بندھنے کے بعد یہ چرچہ تھم سا گیا ہے اور شادی کے بعد سونم آج کل اپنی فلم ’ویر دی ویڈنگ‘ کی پروموشن میں مصروف ہیں لیکن انہیں سوشل میڈیا پر اپنی تصویر پوسٹ کرنا مہنگا پڑگیا۔بھارتی میڈیا رپورٹس کے مطابق بالی ووڈ اداکارہ سونم کپور کی جانب سے سماجی رابطے کی ویب سائٹ ٹوئٹر پر تصاویر پوسٹ کی گئی جس پر سونم کو بھارتی مذہب کے مطابق گلے میں پہنے جانے والے منگل سوتر کو ہاتھ میں پہننے پر شدید تنقید کا نشانہ بنایا گیا۔
ایک مداح نے طنز کرتے ہوئے کہا کہ کیا اب منگل سوتر کو بریسلیٹ کے طور پر ہاتھ میں پہنا جا سکتا ہے ؟؟؟ کیا آپ اب ہندو مذہب کی پیروی نہیں کرتی۔ایک صارف نے لکھا کہ آپ جیسے نام نہاد فیمینسٹ لوگوں کا یہی مسئلہ ہے جن کے نزدیک رسم و رواج کو نہ ماننا درست ہے لیکن مذہبی روایت پر عمل کرنا غلط ہوتا ہے۔

مزید :

کلچر -