ایپل کے مہنگے ترین آئی فونز میں بڑا مسئلہ سامنے آگیا

ایپل کے مہنگے ترین آئی فونز میں بڑا مسئلہ سامنے آگیا

  

نیو یارک(مانیٹرنگ ڈیسک)آئی فون ایکس ایس (10 ایس) اور آئی فون ایکس ایس میکس (10 ایس میکس) ایپل کے ٹیکنالوجی کے لحاط سے جدید ترین اور مہنگے ترین فونز ہیں مگر انہیں خریدنے والوں کو اس وقت ایک بڑی مشکل کا سامنا ہے۔درحقیقت ایپل کے متعدد نئے آئی فونز نے چارج ہونے سے ’’انکار‘‘کردیا۔یہ وہ بات ہے جس کی شکایت متعدد صارفین نے ایپل سپورٹ کمیونٹیز، ریڈیٹ، میک ریومرز، ٹوئٹر اور یوٹیوب میں کی ہے جبکہ یوٹیوب کے مقبول ترین ٹیک چینیل نے دکھایا ہے کہ یہ مسئلہ کیسے پھیل رہا ہے۔صارفین کا کہنا ہے کہ ان کے آئی فونز اس وقت تک چارج نہیں ہوتے جب تک اسکرین ایکٹیو نہ ہو، اس کے لیے انہیں لائٹننگ کیبل نکال کر فون کو دوبارہ چارجنگ کے لیے ری پلگ کرنا پڑتا ہے۔آسان الفاظ میں آئی فون ایکس ایس یا آئی فون ایکس ایس میکس اس وقت چارج نہیں ہوتے جب وہ وال چارجرپر اسٹینڈبائی موڈ پر چارج ہورہے ہوں، ان میں بیشتر فونز منجمند ہوجاتے ہیں اور دوبارہ ری سیٹ کرنا پڑتے ہیں۔یوٹیوب چینیل میں ایک ویڈیو میں 8 آئی فون ایکس ایس اور آئی فون ایکس ایس میکس ماڈلز کو ایپل کے اسٹینڈرڈ چارجر سے کنکٹ کیا گیا، جن میں سے صرف 2 ہی درست طریقے سے چارج ہوسکے۔دیگر فونز اس وقت تک چارج نہیں ہوئے جب تک اسکرین کو دوبارہ ایکٹیو نہیں کیا گیا، جبکہ ایک فون نے کسی بھی صورت میں چارج ہونے سے انکار کردیا اور کئی منٹ تک فریز رہا۔ایپل لاکھوں آئی فونز فروخت کرتی ہے تو اس مسئلے کو کتنے صارفین نے متاثر کیا ہے، یہ لگ بھگ ناممکن ہے مگر اب تک سیکڑوں شکایات ضرور سامنے آچکی ہیں۔

مزید :

صفحہ آخر -