”رانا مشہود نے بیان دیکر اپنی قیادت کے منہ پر ۔۔۔“فیاض الحسن چوہان نے ایسی بات کردی کہ جان کر نوازشریف بھی رانا مشہود سے خفا ہوجائیں گے

”رانا مشہود نے بیان دیکر اپنی قیادت کے منہ پر ۔۔۔“فیاض الحسن چوہان نے ایسی ...
”رانا مشہود نے بیان دیکر اپنی قیادت کے منہ پر ۔۔۔“فیاض الحسن چوہان نے ایسی بات کردی کہ جان کر نوازشریف بھی رانا مشہود سے خفا ہوجائیں گے

  

لاہور (ڈیلی پاکستان آن لائن) صوبائی وزیر اطلاعات فیاض الحسن چوہان نے کہاہے کہ رانا مشہود نے سٹیبلشمنٹ کے ساتھ تعلقات بہتر ہونے کا بیان دیکر اپنی قیادت کے منہ پر کالک مل دی ہے ، یہ بیان دیکر انہوں نے یہ کہاہے کہ ووٹ کوعزت دو نہیں بلکہ سٹیبلشمنٹ کے ذریعے ووٹ لو ۔

دنیا نیوز سے گفتگو کرتے ہوئے فیاض الحسن چوہان نے کہا کہ رانا مشہود نے یہ بیان دیکر اپنی ساری لیڈر شپ کے چہرے پر کالک مل دی ، ان کی قیادت دوسال سے راگ الاپ رہی تھی کہ ووٹ کو عزت دو جس کا مطلب یہ تھا کہ سٹیبلشمنٹ کو نہیں بلکہ ووٹ کوعزت دو ۔ انہوں نے کہا کہ آج رانا مشہود نے یہ بیان دیکر یہ کہاہے کہ ووٹ کوعزت نہیں دو بلکہ سٹیبلشمنٹ کے ذریعے ووٹ لو ۔ ان کا کہنا ہے کہ رانا مشہود نے یہ بیان دیکر ایک تیر سے دوشکار کھیلنے کی کوشش کی ہے ، یہ ضمنی انتخابات میں ایسا بیان دیکر لوگوں سے ووٹ لینا چاہتے ہیں۔ یہ ان کی ایک ناکام کوشش ہے ،ان کا کہنا تھا کہ نام نہاد خاد م اعلیٰ نے پنجاب کو کھربوں روپے کا مقروض کردیا جبکہ تحریک انصا ف کی ایک ماہ کی حکومت میں ایک روپے کی کرپشن کا سکینڈل سامنے نہیں آیا ، ان کا کہنا تھا کہ ہم پنجاب کے لئے نیا بلدیاتی نظام لیکر آرہے ہیں۔

مزید :

قومی -