نیم لباسی کا نوحہ |زاہد امروز |
نیم لباسی کا نوحہ
تمہاری محبت کو زندگی دینے کے لیے
میں نے تو اپنے سارے بت توڑ لیے
مگر تم نے جواباً
اپنے کعبے پر غلاف چڑھا لیا
فقط طواف سے میری تشفی نہیں ہو سکتی
میں کیسے تمہارے اندر جھانکوں
بے بسی نے مجھے مینڈک بنا دیا ہے
میں اپنی ذات کے کنویں میں پڑا ہوں
اور خواہش میرے خون میں
رسی کی طرح لٹک رہی ہے
میں کپڑوں میں بھی فحش کہلایا
تو لباس میری قید کیوں ہے
مجھے رنگت نہیں احساس درکار ہے
کیونکہ آنکھوں سے زیادہ میرے ہاتھ پیاسے ہیں
لازمی نہیں صرف آنکھ سے رویا جائے
اور رونے کے لیے بہترین جگہ
واش روم ہی ہو سکتی ہے
جہاں میں اپنی نیم لباسی تھوک کر
تمہارے نام کا غسل کر سکتا ہوں
شاعر: زاہد امروز
(شعری مجموعہ:خود کشی کے موسم میں؛سالِ اشاعت،2009)
Neem Libaasi Ka Noha
Tumhaari Muhabbaat Ko Zindagi Denay K Liay
Main Nay To Apnay Saaray But Torr Liay
Magar Tum Nay Jawaaban
Apnay Kaabay Pe Ghilaaf Charrhaaya
Faqat Tawaaf Say Meri Tashfi Nahen Ho Sakti
Main Kaisay Tumhaaray Andar Jhaankun
Be Basi Nay Mujhay Maindak Bana Diya Hay
Main Apni Zaat K Kuwen Men Parra Hun
Aor Khaahish Meray Khoon Men
Rassi Ki Tarah Latak Rahi Hay
Main Kaprron Men Bhi Fohosh Kehlaaya
To Libaas Meri Qaid Kiun Hay
Mujhay Ranngat Nahen Ehsaas Darkaar Hay
Kiun Keh Aankhon Say Zayaada Meray Haath Payaasay Hen
Laazmi Nahen Sirf Aankh Say Roya Jaaey
Aor Ronay K Liaay Behtareen Jagah
Waash Room Hi Ho Saakti Hay
Jahaan Main Apni Neem Libaasi Thook Kar
Tumhaaray Naam Ka Ghusl Kar Sakta Hun
Poet: Zahid Imroz