چور دروازہ کھلارہتا ہے|زاہد امروز |
چور دروازہ کھلارہتا ہے
میرے خواب زخمی ہوئے
تو دنیا کے سارے ضابطے جھوٹے لگے
میں نے زندگی کے لیے بھیک مانگی
مگر آباد لمحوں کی پوجا کے لیے
وقت کبھی میرے لیے نہ رکا
مجھے ویسٹ پن سے اپنائیت محسوس ہوئی
لوگ کاغذوں سے بنے کھلونے تھے
جنہیں ہمیشہ خلاف مرضی ناچنا پڑا
بھیگے ساحلوں کی ہوا میں خون ہی خون تھا
جھیلوں کے آباد کنارے مجھے بنجر کر گئے
پانی پر تیرتا منظر دغاباز نکلا
میں مخالف سمت بہتی کشتیوں میں
بہ یک وقت سوار ہو گیا
بادل برس گئے
تو آسمان پر دھواں رہ گیا
میں نے خود کو دھویں میں اڑایا
اور مصروفیت سے سودا کر لیا
شاعر: زاہد امروز
(شعری مجموعہ:خود کشی کے موسم میں؛سالِ اشاعت،2009)
Chor Darwaaza Khula Rehta Hay
Meray Khaab Zakhmi Huay
To Dunya K Saaray Zaabtay Jhootay Lagay
Main Nay Zindagi K Liay Bheek Maangi
Magar Abaad Lamhon Ki Pooja K Laiay
Waqt Kabhi Meray Liay Na Ruka
Mujhay West Bin Say Apnaiyat Mehsoos Hui
Log Kaazghzon Say Banay Khilonay Thay
Jinhen Khilaaf -e-Marzi Naachna Hay
Bheegay Saahilon Ki Hawaa Men Khoon Hi Khoon Tha
Jheelon K Abaad Kinaaray Mujhay Banajr Kar Gaey
Paani Par Tairta Manazar Dagha Baaz Nikla
Main Mukhalif Samt Behti Kashtion Men
Bayak Waqt Sawaar Ho Gaya
Baadal Barass Gaey
To Aasmaan Par Dhuwaan Reh Gaya
Main Nay Khud Ko Duewn Men Uraaya
Aor Masroofiyat Say Saoda Kar Liya
Poet: Zahid Imroz