میں تلخیِ حیات سے گھبرا کے پی گیا | ساغر صدیقی|

میں تلخیِ حیات سے گھبرا کے پی گیا 

غم کی سیاہ رات سے گھبرا کے پی گیا 

اتنی دقیق شے کوئی کیسے سمجھ سکے 

یزداں کے واقعات سے گھبرا کے پی گیا 

چھلکے ہوئے تھے جام پریشاں تھی زلف یار 

کچھ ایسے حادثات سے گھبرا کے پی گیا 

میں آدمی ہوں کوئی فرشتہ نہیں حضور 

میں آج اپنی ذات سے گھبرا کے پی گیا 

دنیائے حادثات ہے اک دردناک گیت 

دنیائے حادثات سے گھبرا کے پی گیا 

کانٹے تو خیر کانٹے ہیں اس کا گلہ ہی کیا 

پھولوں کی واردات سے گھبرا کے پی گیا 

ساغرؔ    وہ کہہ رہے تھے کہ پی لیجیے حضور 

ان کی گزارشات سے گھبرا کے پی گیا 

شاعر: ساغر صدیقی

(دیوانِ ساغر:سالِ اشاعت،1990)

Main   Talkhi-e-Hayaat   Say   Gabraa   K   Pi   Gaya

Gham   Ki   Siyaah   Raat   Say  Gabraa   K   Pi   Gaya

Itni   Daqeeq    Shay   Koi   Kaisay   Samajh  Sakay

Yazdaan   K   Waqiaat   Say   Ghabraa   K   Pi   Gaya

Chhalkay   Huay   Thay   Jaam   Pareshaan Thi   Zulf-e-yaar

Kuchh   Aisay   Haadsaat  Say   Ghabraa   K   Pi   Gaya

Main    Aadmi   Hun   Koi   Farishta   Nahen   Huzoor

Main   Aaaj   Apni   Zaat   Say   Ghabraa   K   Pi   Gaya

Dunya -e-Haadsaat   Hay   Ik   Dard   Naak   Geet
Dunya   K   Haadsaat   Say   Ghabraa   K   Pi   Gaya

Kaantay   To  Khair   Kaantay   Hen Un   Say   Gila   Hi   Kaya

Phoolon   Ki   Waardaat   Say   Ghabraa   K   Pi   Gaya

SAGHAR   Wo   Keh   Rahay   Thay   Keh   Pi   Lijaiy   Huzoor

Un   Ki   Guzaarshaat   Say   Ghabraa   K   Pi   Gaya

Poet: Saghar   Siddiqui