پنجاب حکومت نے سندھ کے سیلاب متاثرین کیلئے 2 موبائل ہیلتھ یونٹ بھجوا دیئے

پنجاب حکومت نے سندھ کے سیلاب متاثرین کیلئے 2 موبائل ہیلتھ یونٹ بھجوا دیئے
پنجاب حکومت نے سندھ کے سیلاب متاثرین کیلئے 2 موبائل ہیلتھ یونٹ بھجوا دیئے

  

لاہور (ڈیلی پاکستان آن لائن ) وزیراعلیٰ پنجاب چودھری پرویز الٰہی کے حکم پر حکومت پنجاب نے 2 موبائل ہیلتھ یونٹ سندھ کے سیلاب متاثرہ علاقوں میں بھیج دئیے ہیں۔

نجی ٹی وی "دنیا نیوز "کے مطابق وزیراعلیٰ پنجاب چودھری پرویز الٰہی نے بین الصوبائی ہم آہنگی کے فروغ کیلئے ایک اور احسن اقدام کرتے ہوئے 2موبائل ہیلتھ یونٹ سندھ کے سیلاب متاثرہ علاقوں میں بھیج دئیے، محکمہ صحت نے میڈیکل ٹیمز اورادویات پر ریلیف مشن سندھ کے سیلاب متاثرین کیلئے روانہ کیا، ضلع خیر پور اوردوسرے موبائل ہیلتھ یونٹ کو قمبر شہداد کوٹ میں سیلاب متاثرہ علاقوں میں بھیجا گیا ہے

اس موقع پرچودھری پرویز الٰہی نے کہا کہ پنجاب حکومت سندھ سمیت دیگر صوبوں کے سیلاب متاثرین کے ساتھ کھڑی ہے، پہلے بھی 296 ڈاکٹرزاور ادویات کے 9 ٹرک جذبہ خیرسگالی کے تحت سندھ و بلوچستان بھیجے،پنجاب حکومت کے میڈیکل مشن نے سندھ اور بلوچستان کے متاثرہ علاقوں میں میڈیکل کیمپس لگائے، پنجاب بڑے بھائی کا کرداراحسن طریقے سے نبھا رہاہے۔

مزید :

قومی -