وزیراعظم کا چھٹکارا صرف اپوزیشن کے بنائے ٹی او ارز میں ہے ، اعتزاز

وزیراعظم کا چھٹکارا صرف اپوزیشن کے بنائے ٹی او ارز میں ہے ، اعتزاز

لاہور(آن لائن)سینیٹ میں قائد حزب اختلاف اور پیپلز پارٹی کے سینیٹر اعتزاز احسن نے کہا ہے کہ پانامہ لیکس کا معاملہ ٹھنڈا نہیں ہو گا اور وزیراعظم کا چھٹکارا صرف اپوزیشن کے بنائے گئے ٹی او ارز میں ہے۔لاہور ہائیکورٹ میں میڈیا سے گفتگو کرتے ہوئے کہا کہ پانامہ لیکس کا معاملہ وزیر اعظم نواز شریف کا پیچھا نہیں چھوڑے گا۔ سینیٹر اعتراز احسن نے الزام لگایا کہ وزیر اعظم کے بیٹے حسن نواز نے چار کروڑ پاؤنڈ سے زائد کا سودا کیا۔ انہوں نے مزید کہا کہ حکومت پیپرا رولز سے بچنے کیلئے ترکی سے معاہدے کرتی ہے تاکہ بولی نہ لگانی پڑے۔ ان کے بقول ترکی کی کئی کمپنیاں بیشتر ممالک میں بلیک لسٹ ہیں۔ اعتراز احسن نے کہا کہ حکمران جماعت مسلم لیگ ن نے اپنی جماعت میں گلو بٹوں کا کچھ نہیں کیا۔ اعتراز احسن نے اس بات کا امکان ظاہر کیا کہ مسلم لیگ ن کے پاس جلد انتخابات کرانے کا صوابدید ہے۔ انہوں نے کہا کہ مردم شماری بہت ضروری ہے اور یہ آئینی تقاضہ ہے ۔

مزید : کراچی صفحہ اول