ازبک صدر اسلام کریموف طویل علالت کے بعد چل بسے

ازبک صدر اسلام کریموف طویل علالت کے بعد چل بسے
ازبک صدر اسلام کریموف طویل علالت کے بعد چل بسے

  

تاشقند(مانیٹرنگ ڈیسک) ازبکستان کے صدراسلام کریموف طویل علالت کے بعد انتقال کرگئے۔

نجی ٹی وی ڈان نیوز کے مطابق ازبکستان کے صدر اسلام کریموف جو کہ شدید علیل تھے،طویل علالت کے بعددارفانی سے کوچ کر گئے ہیں۔برطانوی خبر رساں ادارے رائٹرز کے مطابق تین ازبک سفارتی ذرائع نے تصدیق کردی ہے کہ 78سالہ لیڈر بغیر کوئی مضبوط جانشین دیئے انتقال کرگئے ہیں ۔

اتحاد ائیر لائنز نے ابوطبی اور امریکہ کے لئے حیرت انگیز ڈسکاؤنٹ متعارف کروادئیے

 قبل ازیں ازبکستان میں مقامی میڈیا پر چلنے والے حکومتی بیان میں بتایا گیا تھا کہ ملک کے بیمار صدر اسلام کریموف کی حالت تشویش ناک ہے جبکہ ان کی بیٹی نے بتایاتھا کہ انھیں برین ہیمرج ہوا ہے۔فالج کے دورے کے بعداسلام کریموف کو ہفتے کے روز ہسپتال داخل کروایا گی لیکن زیادہ تفصیلات فراہم نہیں کی گئی تھیں۔حکومت کے مطابق ان کی حالت 24 گھنٹوں میں خراب تر ہوتی گئی۔حزب اختلاف نے کہا ہے کہ  78 سالہ صدر کریموف انتقال کر چکے ہیں۔بی بی سی کے مطابق ماضی میں بھی ازبک صدر کی صحت کے مسائل کو ریاستی راز کی طرح چھپایا گیا۔

مزید : بین الاقوامی