” وزیراعلیٰ خیبر پختونخواہ محمود خان تو میرے بغیر ہل نہیں سکتے جو میں کہتا ہوں وہ کرتے ہیں“ وزیر دفاع پرویز خٹک نے بڑا دعویٰ کر دیا

” وزیراعلیٰ خیبر پختونخواہ محمود خان تو میرے بغیر ہل نہیں سکتے جو میں کہتا ...
” وزیراعلیٰ خیبر پختونخواہ محمود خان تو میرے بغیر ہل نہیں سکتے جو میں کہتا ہوں وہ کرتے ہیں“ وزیر دفاع پرویز خٹک نے بڑا دعویٰ کر دیا

  

پشاور (ویب ڈیسک) وزیر دفاع پرویز خٹک کے بلند و بانگ دعوؤں سے بھری ویڈیو وائرل ہوگئی جس میں وہ کہتے دکھائی دے رہے ہیں کہ وزیراعلیٰ خیبر پختونخوا محمود خان تو ان کے بغیر ہل نہیں سکتے۔

نوشہرہ میں 29 اگست کو ہوئے جلسے کی وائرل ہونے والی ویڈیو میں پرویز خٹک کا کہنا تھا کہ فنڈز کا غلط استعمال کرنے والے کرپٹ عناصر کے خلاف تحقیقات کریں گے، یہاں پر جو کتے ہیں ان سب کو یہاں سے بھگائیں گے اور صحیح لوگ لے کر آئیں گے۔سابق وزیراعلیٰ خیبرپختونخوا کا کہنا تھاکہ صوبے کا وزیراعلیٰ میرے بغیر ہل نہیں سکتا جو میں کہتا ہوں وزیراعلیٰ وہی کرتا ہے۔

ان کا کہنا تھا کہ وہ اپنے حلقے کے ہر خاندان کو جا نتے ہیں کہ کون صحیح اور کون غلط ہے، ان کے سامنے گاو¿ں کے خلاف کوئی بات کرے گا اس کے منہ پر تھپڑ ماریں گے، ان کا بھائی اور بھتیجا بھی ان کے بغیر ایک قدم آگے نہیں جاسکتے۔ 

جیو نیوز کے مطابق اس حوالے سے پرویز خٹک نے کہاکہ سوشل میڈیا پر وائرل ویڈیو کارکنوں کے ساتھ غیر رسمی اجلاس تھا، تحریک انصاف نے ہمیشہ کرپشن کے خلاف جہاد کیا ہے۔

پرویز خٹک کا کہنا تھا کہ ان کے حلقے میں تین پارٹی کارکنوں پرکرپشن ثابت ہوئی جس پر ان کو پارٹی سے نکال دیا ہے، انہوں نے اپنے دورحکومت میں ارکان اسمبلی کو بھی کرپشن کے الزام پر پارٹی سے نکالا ہے۔پرویز خٹک نے کہا کہ وزیر اعلیٰ محمود خان صوبے کے چیف ایگزیکٹو اور میرے دوست ہیں،وزیراعلیٰ ہمارے ساتھ مشاورت سے کام کررہے ہیں۔ 

مزید :

علاقائی -خیبرپختون خواہ -پشاور -