اپنی منزل کا راستہ بھیجو
اپنی منزل کا راستہ بھیجو
جان ہم کو وہاں بلا بھیجو
کیا ہمارا نہیں رہا ساون
زلف یاں بھی کوئی گھٹا بھیجو
نئی کلیاں جو اب کھلی ہیں وہاں
ان کی خوشبو کو اک ذرا بھیجو
ہم نہ جیتے ہیں اور نہ مرتے ہیں
درد بھیجو نہ تم دوا بھیجو
دھول اڑتی ہے جو اس آنگن میں
اس کو بھیجو ، صبا صبا بھیجو
اے فقیرو! گلی کے اس گل کی
تم ہمیں اپنی خاکِ پا بھیجو
شفقِ شام ہجر کے ہاتھوں
اپنی اتری ہوئی قبا بھیجو
کچھ تو رشتہ ہے تم سے کم بختو
کچھ نہیں، کوئی بد دعا بھیجو
شاعر: جون ایلیا
Apni Manzil Ka Raastaa Bhejo
Jaan Ham Ko Wahaan Bulaa Bhejo
Kia Hamaara Nahen Raha Saawan
Zulf Yaan Bhi Koi Ghataa Bhejo
Nai Kalyaan Jo Ab Khili Hen Wahaan
Un Ki Khushbu Ko Ik Zaraa Bhejo
Ham Na Jeetay Hen Aor Na Martay Hen
Dard Bhejo Na Tum Dawaa Bhejo
Dhool Urrti Hay Jo Uss Aangan Men
Uss Ko Bhejo, Sabaa Sabaa Bhejo
Ay Faqeero, Gali K Uss Gull Ki
Tum Hamen Apni Khaak e Paa Bhejo
Shafaq e Shaam e Hijr K Haathon
Apni Utri Hui Qabaa Bhejo
Kuch To Rishta Hay Tum Say Kam Bakhto
Kuch Nahen, Koi Bad Duaa Bhejo
Poet: Jaun Elia