ڈرامہ سیریل’’رسمیں‘‘کے بعد مزید ڈراموں میں کام کی پیشکش ہے،ماہ نور

ڈرامہ سیریل’’رسمیں‘‘کے بعد مزید ڈراموں میں کام کی پیشکش ہے،ماہ نور
 ڈرامہ سیریل’’رسمیں‘‘کے بعد مزید ڈراموں میں کام کی پیشکش ہے،ماہ نور

  

لاہور(فلم رپورٹر)اداکارہ ،ماڈل وپرفارمر ماہ نورنے کہاہے کہ پی ٹی وی کی ڈرامہ سیریل’’رسمیں‘‘کے بعد مزید ڈراموں میں کام کی پیشکش ہے۔میں صر ان ڈراموں میں کام کروں گی جن میں میرا رول پاور فل ہونے کے ساتھ ساتھ پرفارمنس سے بھرپور ہوگا۔ فلم میں کوئی برائی نہیں ہے اچھا کام ہوگا تو ضرورکروں گی ۔ان دنوں الفلاح تھیٹر میں جاری ڈرامہ’’بھیگی بھیگی رات‘‘ میں میری پرفارمنس بہت پسند کی جا رہی ہے اس ڈرامے کے لئے نئے ڈانس آئٹم اور ڈریسز تیار کئے ہیں میں نے ہمیشہ کچھ نیا کردکھانے کی کوشش کی ہے ۔اس ڈرامے کے پروڈیوسر ارشد چوہدری ہیں۔پاکستان میں خواتین کو ظلم برادشت کرنے کی عادت ہوچکی ہے بد قسمتی سے ہمارے ہاں جو حقوق مردوں کوحاصل ہیں عورتوں کو ان سے محروم رکھا جا تا ہے جبکہ اسلام نے عورت اور مرد کو برابرقرار دیا ہے ۔ انہوں نے کہا کہ تعلیم یافتہ اور باشعور عورت کو ہر جگہ جنس اور نسلی معیار کا نشانہ بنایا جاتا ہے جو سخت زیادتی کے مترادف ہے جبکہ دیگر ممالک میں عورتوں کو مردوں سے زیادہ حق دیا جاتا ہے جس سے وہاں کی عورتوں کے اعتماد میں اضافہ ہوتا ہے اور ہمارے ہاں عورت کی حوصلہ افزائی کی بجائے حوصلہ شکنی کی جاتی ہے ۔ماہ نورنے کہاکہ ہم سب کو اپنے رویے کو پر نظر ثانی کرنی چاہیے اور معاشرے میں پیار محبت اور بھائی چارے کو فروغ دینا چاہیے تاکہ کسی کی حق تلفی نہ ہو ۔

ایک سوال کے جواب میں انہوں نے کہاکہ میں تعداد کی بجائے معیار کو ترجیح دیتی ہوں ۔ صرف اچھااور پرفارمنس والا کردار قبول کرتی ہوں اور دھڑ دھڑاڈرامے حاصل کرنے کے سخت خلاف ہوں۔ انہوں نے کہاکہ نئے فنکاروں کو ٹی وی کے اکیڈمی کی حیثیت رکھنے والے فنکاروں کے تجربات سے بھرپور استفادہ کرنا چاہیے تاکہ ان کے کام میں خوبصورت اور نکھار آسکیں ۔

مزید :

کلچر -