اسلام امن اور بھائی چارہ کے فروغ کا دین ہے،ڈاکٹر حسین محی الدین

اسلام امن اور بھائی چارہ کے فروغ کا دین ہے،ڈاکٹر حسین محی الدین

  

لاہور(اے این این)تحریک منہاج القرآن کے صدر ڈاکٹر حسین محی (بقیہ نمبر46صفحہ12پر )

الدین القادری نے مرکزی سیکرٹریٹ میں منعقدہ مجلس ختم الصلوۃ علی النبی ﷺ کی ماہانہ محفل سے خطاب کرتے ہوئے کہا کہ اسلام امن اور بھائی چارہ کے فروغ کا دین ہے ۔نبی آخر الزمان ﷺ نے معاشرتی ،سیاسی،سماجی اقدار کے فروغ کیلئے رہنماء اصول متعین کئے ۔انہوں نے کہاکہ انصاف کا قیام، اتحاد ،برداشت اور رواداری اسلامی معاشرے کے اہم ستون ہیں ۔ جب انصاف نا پید ہوتا ہے تو پھر انتہا پسندی ،دہشتگردی سمیت ہر جرم کی پیدائش ہوتی ہے ۔ انہوں نے کہا کہ اللہ کو انسانی جان سے سب سے زیادہ پیار ہے اور آج انسانی خون سب سے زیادہ ارزاں ہے ۔ بے گناہوں کے خون کی ارزانی اللہ کی ناراضگی کا ایک بڑا سبب ہے ۔اس موقع پر ناظم اعلیٰ خرم نواز گنڈا پور ،جی ایم ملک ،سید مشرف علی شاہ،جواد حامد ،حافظ غلام فرید بھی شریک تھے ۔ڈاکٹر حسین محی الدین نے اپنے خطاب میں کہا کہ بے گناہ انسانی خون بہانے والے دہشتگردوں کو مذاکرات کے نام پر مہلت دینا انسانی حقوق کی آڑ میں کوئی ریلیف دینا یا ان کے مکمل خاتمے کے بغیر چھوڑ دینا اسلامی ریاست کیلئے روا نہیں اور یہ فرامین رسول ﷺ کے خلاف ہے،سوائے اس کے کہ گمراہ عناصر ہتھیار پھینک کر اپنے غلط عقائد و نظریات سے مکمل توبہ کر کے اپنی اصلاح کر لیں کسی کے خارجی،منکر قرآن و حدیث اور انسانیت کے دشمن ہونے کی بڑی اور ناقابل تردید دلیل اس کا بے گناہ انسانی خون بہانا ہے۔بے گناہ انسانی خون بہانے کا کوئی قرآنی،اسلامی جواز موجود نہیں ہے ۔

مزید :

ملتان صفحہ آخر -