ایتھلیٹ محمد یاسر سلطان کی اولمپکسمیں شرکت مشکوک
لاہور(سپورٹس رپورٹر) پاکستان ایتھلیٹکس فیڈریشن کی ناقص پالیسیوں اور سیاست کے باعث قومی ایتھلیٹ محمد یاسر سلطان کے پیرس اولمپک گیمز میں کوالیفائی کرنے کے امکانات مخدوش ہو گئے۔ تفصیلات کے مطابق پاکستان کے نمبر 2 جیولن تھرو کرنے والے محمد یاسر سلطان کواولمپک کوالیفکیش کیلئے تین انٹرنیشنل ایونٹس کی ضرورت ہے لیکن ایتھلیٹکس فیڈریشن محمد یاسر بارے اب تک کوئی پلاننگ کرنے میں یکسر ناکام دکھائی دی ہے نا ہی فیڈریشن کی جانب سے انہیں بتایا گیا کہ اولمپک کوالیفائی کرنے کیلئے یاسر کو کن کن ایونٹس میں بھیجا جاے گا۔ جولائی 2023 میں بنکاک میں ہونے والی ایشین ایتھلیٹکس چیمپئن شپ میں 79.93 میٹر جیولن تھرو کرکے پاکستان کیلئے بروانز میڈل جیتنے والے محمد یاسر ان دنوں لاہور میں ٹریننگ کر رہے ہیں۔
جنہیں جیولن تھرور ارشد ندیم کیساتھ اولمپک گیمز کوالیفائی کرنے کیلئے30جون سے قبل 85.50 میٹر کے معیار کو پورا کرنا ہوگا۔