ضمنی انتخابات،الیکشن کمیشن کا صوبائی حکومتوں اور سکیورٹی اداروں سے رابطہ تیز

ضمنی انتخابات،الیکشن کمیشن کا صوبائی حکومتوں اور سکیورٹی اداروں سے رابطہ ...

  IOS Dailypakistan app Android Dailypakistan app

                                                                        اسلام آباد(آن لائن) الیکشن کمیشن نے قومی اسمبلی سمیت چاروں صوبائی اسمبلیوں میں ضمنی انتخابات  کے پر امن انعقاد کے لئے صوبائی حکومتوں سمیت قانون نافذ کرنے والے ادارو ں سے رابطے تیز کر لیے۔ ترجمان الیکشن کمیشن کے مطابق  الیکشن کمیشن   نے 13 مارچ  کو قومی اسمبلی کی 6، صوبائی اسمبلی  پنجاب کی 12 خیبر پختونخوا اسمبلی کی 2، صوبائی اسمبلی سندھ کی1 اور بلوچستان اسمبلی  کی 2نشستوں  پرضمنی انتخابات  کاشیڈول جاری کیا ہے۔ ان ضمنی انتخابات میں کل 239 امیدواران  حصہ لے رہے ہیں ترجمان کے مطابق  قومی اسمبلی  کی نشستوں کے لئے 50 امیدواران مد مقابل  ہیں جبکہ   این اے 207 پر آصفہ بھٹو زرداری  بلا مقابلہ کامیاب ہوئی ہیں ترجمان کے مطابق  صوبائی  اسمبلی خیبرپختونخوا  کی خالی نشستوں  پر 23 امیدوار الیکشن میں حصہ لے رہے ہیں، پنجاب  میں 154 امیدواروں کے درمیان مقابلہ  ہے   سندھ  اسمبلی کی پی ایس 80 دادو  پر امیدوار زبیر احمد جونیجو  بلا مقابلہ  کامیاب ہوئے بلوچستان  اسمبلی کی خالی  نشستوں پر 12 امیدوار وں کے درمیان مقابلہ ہوگا ترجمان کے مطابق پرامن الیکشن کے لئے اقدامات مکمل کرلئے ہیں، الیکشن کے انعقاد  کے لئے ضروری الیکشن میٹریل  صوبائی الیکشن کمشنروں کو مہیا  کر دیا ہے   ڈی آر اوز اور آر اوز  الیکشن شیڈول  کے مطابق اپنا کام  مکمل کر رہے ہیں بیلٹ پیپر وں کی  پرنٹنگ کے کام کا آغاز کیا گیا ہے  بیلٹ پیپروں کی بروقت پرٹننگ  و ترسیل  کو یقینی  بنایا جائے گی۔

ضمنی الیکشن

مزید :

صفحہ اول -