گیس چوروں کیخلاف کریک ڈاؤن جاری، مزید2,436کنکشنزمنقطع
لاہور (آن لائن) سوئی ناردرن کے تحت پنجاب، خیبر پختونخواہ اور اسلام آباد کے مختلف علاقوں میں گیس چوری کے خلاف جاری کریک ڈاؤن کے دوران مزید2,436گیس کنکشنزمنقطع جبکہ 2کروڑ87لاکھ سے زائد کے جرمانے عائد کیے گئے۔ترجمان کے مطابق لاہور میں گیس کے غیر قانونی استعمال پر 21گھریلو کنکشنزمنقطع، تین گیس چوروں کے خلاف ایف آئی آر کا اندراج کرایا گیا۔راولپنڈی میں گیس کے غیر قانونی استعمال پر 6کنکشنزمنقطع جبکہ36 ہزار کے جرمانے بھی عائد کئے گئے۔شیخو پورہ میں ریجنل ٹیم نے گیس کے غیر قانونی استعمال پر 318جبکہ کمپریسر کے استعمال پر 114گیس کنکشنزمنقطع،18ایف آئی آر کا اندراج اور 17ملین سے زائد کے جرمانے عائد کئے گئے۔ملتان میں ریجنل ٹیم نے گیس کے غیر قانونی استعمال پر 844جبکہ کمپریسر کے استعمال پر 943گیس کنکشنزمنقطع،31ایف آئی آر کا اندراج اور6.08ملین سے زائد کے جرمانے عائد کئے گئے۔سرگودھا میں گیس کے غیر قانونی استعمال پر 79کنکشنزمنقطع اور1.41ملین کے جرمانے بھی عائد کئے گئے۔ سوئی ناردرن گیس نے پشاور /کرک میں میٹر سے چھیڑ چھاڑ،گیس کے براہ راست استعمال، غیر قانونی کنکشن پر 69کنکشنزمنقطع کیے اور 22لاکھ سے زائد کے جرمانے عائد کیے گئے۔
گیس چوری
