یہ قیاس پر مبنی رپورٹ ہے،اس سے اچھی رپورٹ تو میرا سیکرٹری بنا دے گا،چیف جسٹس عامر فاروق ایکس کی بندش کیخلاف درخواست پر جوائنٹ سیکرٹری داخلہ کی رپورٹ پر برہم

اسلام آباد(ڈیلی پاکستان آن لائن)سماجی رابطے کی ویب سائٹ ایکس کی بندش کیخلاف درخواست پر سماعت کے دوران چیف جسٹس اسلام آباد ہائیکورٹ عامر فاروق جوائنٹ سیکرٹری داخلہ کی رپورٹ پر برہم ہو گئے۔
نجی ٹی وی چینل جیو نیوز کے مطابق چیف جسٹس عامر فاروق نے ریمارکس دیتے ہوئے کہاکہ یہ قیاس پر مبنی رپورٹ ہے،اس سے اچھی رپورٹ تو میرا سیکرٹری بنا دے گا،قومی سلامتی کو کوئی خطرہ ہے تو وجوہات تو بتائیں،چیف جسٹس ہائیکورٹ نے کہاکہ پوری دنیا میں ہماری بدنامی ہو رہی ہے،سیکرٹری داخلہ سے نہ ہوا تو وزیراعظم کو بلائیں گے۔