ریکوڈک میں سعودی عرب کی جانب سے 1ارب ڈالر تک کی سرمایہ کاری کیے جانے کا امکان 

اسلام آباد(ڈیلی پاکستان آن لائن)ریکوڈک میں سعودی عرب کی جانب سے 1ارب ڈالر تک کی سرمایہ کاری کئے جانے کا امکان  ہے۔

نجی ٹی وی چینل" جیو نیوز" کے مطابق ذرائع کاکہنا ہے کہ او جی ڈی سی ایل اور پی پی ایل کے شیئر سعودی عرب کو بیچے جائیں گے،ذرائع وزارت خزانہ کا کہنا ہے کہ سعودی عرب کی سرمایہ کاری آئندہ ماہ میں کئے جانے کی تیاریاں ہیں،سعودی عرب کی ریکوڈک میں سرمایہ کاری کیلئے وزیراعظم کمیٹی بنائیں گے،کمیٹی میں وزارت خزانہ، او جی ڈی سی ایل، پی پی ایل، وزارت توانائی حکام شامل ہوں گے۔

ذرائع کا مزید کہنا ہے کہ وزیراعظم کو کمیٹی بنانے کیلئے وزارت خزانہ اور توانائی کی سمری بھیجی جائے گی،کمیٹی تشکیل کے بعد کمیٹی ممبران حتمی بات چیت کیلئے سعودی عرب روانہ ہوں گے، ریکورڈک میں سرمایہ کاری کیلئے پاکستان سعودی عرب کے درمیان حکومتی معاہدہ ہوگا۔