نشئی کانسٹیبل شاہد معطل، گرفتار کرلیا گیا،ڈسپلن کی خلاف ورزی قبول نہیں، ڈی آئی جی آپریشنز

لاہور (ڈیلی پاکستان آن لائن )لاہور پولیس کے کانسٹیبل شاہد کی نشے کی حالت میں ویڈیو سوشل میڈیا پر وائرل ہوگئی۔
نجی ٹی وی جیونیوز نے پولیس ترجمان کے حوالے سے بتایا کہ کانسٹیبل شاہد کی نشے کی حالت میں ویڈیو وائرل ہو ئی جس کا انسپکٹر جنرل (آئی جی) پنجاب پولیس نے نوٹس لیا۔ترجمان نے بتایا کہ آئی جی کی ہدایت پر کانسٹیبل کو گرفتار کر کے معطل کر دیا گیا ہے۔ترجمان کے مطابق کانسٹیبل شاہد کے خلاف ایف آئی آر درج کر لی گئی ہے اور اس کی ملازمت سے برخاستگی کی کارروائی کی جا رہی ہے۔ اس حوالے سے ڈی آئی جی آپریشنز علی ناصر رضوی کا کہنا تھاکہ ڈسپلن کی خلاف ورزی کسی طور قابل قبول نہیں۔