پارلیمنٹ جلد ایٹمی معاہدے کی منظوری دے، ایرانی نائب وزیر خارجہ

پارلیمنٹ جلد ایٹمی معاہدے کی منظوری دے، ایرانی نائب وزیر خارجہ

تہران(آئی این پی )ایران کے نائب وزیر خارجہ نے اپنی پارلیمنٹ پر زور دیا ہے کہ وہ جلد از جلد ایٹمی معاہدے کی منظوری دے، تاکہ امریکی کانگریس معاہدے کو مسترد کردے، تو اس کی ناکامی کی ذمہ داری امریکہ پر عائد ہو۔غیر ملکی میڈیا کے مطابق ایرانی نائب وزیر خارجہ عباس عراقچی کا کہنا ہے کہ ایرانی پارلے منٹ کو جلد از جلد اپنی رائے ظاہر کردینی چاہیے کیونکہ اگر امریکی کانگریس معاہدے کو مسترد کرتی ہے تو مذاکرات اور معاہدے کی ناکامی کی ذمے داری بھی کانگریس پر ہوگی۔ امریکی کانگریس ایران اور عالمی طاقتوں کے درمیان طے پانے والے ایٹمی معاہدے کا جائزہ لے رہی ہے۔ جائزے کا یہ عمل 2ماہ تک جاری رہے گا، جس میں سے اب تک 2ہفتے گذر چکے ہیں۔ ادھر ایرانی پارلیمنٹ میں بھی معاہدے کے فوائد اور نقصانات پر غور کیا جارہا ہے۔

مزید : عالمی منظر