ہنڈا اٹلس کارز کے منافع میں72 فیصد اضافہ
گذشتہ سال کے مقابلہ میں30 جون2015ء کو ختم ہونے والی سہ ماہی کے دوران ہنڈا اٹلس کارز کے خالص منافع میں72 فیصد کا نمایاں اضافہ ہوا ہے۔ سٹاک ایکسچینج کو بھیجے گئے کمپنی کے مالیاتی اعدادوشمار کے مطابق یکم اپریل تا30 جون 2015ء کے دوران ہنڈا اٹلس کارز کو1.1 ارب روپے کا خالص نفع حاصل ہوا ہے جبکہ سال2014ء کے اسی عرصہ کے دوران کمپنی نے 600 ملین روپے کا منافع کمایا تھا۔ رپورٹ کے مطابق سال 2015ء میں اپریل تا جون کی سہ ماہی کے دوران کمپنی کے خام منافع میں اضافہ ہواہے اور یہ1.8 ارب روپے تک بڑھ گیا۔