اسلام آباد میں کشمیر ہائی وے کا نام تبدیل،نئے نام کے ساتھ سائن بورڈ لگ گئے

اسلام آباد میں کشمیر ہائی وے کا نام تبدیل،نئے نام کے ساتھ سائن بورڈ لگ گئے
اسلام آباد میں کشمیر ہائی وے کا نام تبدیل،نئے نام کے ساتھ سائن بورڈ لگ گئے

  

اسلام آباد(ڈیلی پاکستان آن لائن) حکومت نے اسلام آباد میں کشمیر ہائی وے کا نام تبدیل کر کے سرینگر ہائی وے رکھ دیاہے جب کہ نئے نام سے ڈائریکشن بورڈز اور سائن بورڈ بھی نصب کر دیئے گئے ہیں۔

دنیانیوز کے مطابق حکومت نے وفاقی دارالحکومت سے کشمیر جانے والی شاہراہ کشمیر ہائی وے کا نام تبدیل کیا ہے۔ این ایچ اے نے ڈھوکری چوک، فیض آبار، زیرو پوائنٹ، گولڑہ موڑ اور ایکسپریس وے پر نئے نام دے بورڈز نصب کئے گئے۔

سری نگر ہائے وے کا باقاعدہ افتتاح 5 اگست کو ایک تقریب کے ذریعے کیا جائے گا جو دو مرحلوں میں ہو گا۔ پہلے مرحلے میں مراد سعید افتتاح کریں گے۔ دوسرے مرحلے میں وزیر داخلہ اعجاز شاہ افتتاح کریں گے۔

نام کی تبدیلی پر سوشل میڈیا صارفین بھی اپنا ردعمل دے رہے ہیں اور سائن بورڈز کی تصاویر شیئر کررہے ہیں۔

۔

مزید :

قومی -علاقائی -اسلام آباد -