وزیر اعظم کے "بیسٹ فرینڈ" ، پینا فلیکس پر عون چوہدری کے نام کے ساتھ خصوصی لقب

وزیر اعظم کے "بیسٹ فرینڈ" ، پینا فلیکس پر عون چوہدری کے نام کے ساتھ خصوصی لقب
وزیر اعظم کے

  

لاہور (ڈیلی پاکستان آن لائن) سیاست میں اپنے قائدین کی خوشنودی کیلئے کارکن نت نئے طریقے آزماتے ہیں لیکن لاہور میں تو کمال ہی ہوگیا۔

اینکر پرسن عمیر بشیر نے ٹوئٹر پر ایک تصویر شیئر کی ہے جس میں پی ٹی آئی لاہور کا ایک سائن بورڈ نظر آرہا ہے۔ ویسے تو یہ سائن بورڈ ٹھیک ہے لیکن اس پر لگا پینا فلیکس اس وقت اپنی طرف توجہ کھینچ لیتا ہے جب اس پر عون چوہدری کے نام کے ساتھ لکھا گیا لقب نظر آتا ہے۔

اس پینا فلیکس پر عون چوہدری کے نام کے ساتھ لکھا ہوا ہے " وزیر اعظم کے Best Friend سینئر رہنما پاکستان تحریک انصاف "

عمیر بشیر نے بتایا کہ یہ پینا فلیکس ان کے گھر کے پاس کالج روڈ پر لگا ہوا ہے۔

عمیر بشیر کی جانب سے تصویر شیئر کیے جانے پر اینکر پرسن اجمل جامی نے کہا کہ بظاہر یہ ایڈیٹنگ لگتی ہے کیونکہ انہوں نے یہی پینا فلیکس واپڈا ٹاؤن میں بھی دیکھے ہیں لیکن وہاں ان پر عون چوہدری کے نام کے ساتھ ایسا کچھ نہیں لکھا ہوا جس پر عمیر بشیر نے وضاحت کی کہ انہوں نے یہ پینا فلیکس اپنی آنکھوں کے ساتھ دیکھا ہے۔

مزید :

ڈیلی بائیٹس -علاقائی -پنجاب -لاہور -