ٹریفک پولیس کا اندراجِ مقدمہ کیلئے عامر لیاقت کے خلاف سندھ پولیس سے رجوع

ٹریفک پولیس کا اندراجِ مقدمہ کیلئے عامر لیاقت کے خلاف سندھ پولیس سے رجوع
ٹریفک پولیس کا اندراجِ مقدمہ کیلئے عامر لیاقت کے خلاف سندھ پولیس سے رجوع
سورس: File

  

کراچی (ڈیلی پاکستان آن لائن) ٹریفک پولیس نے پاکستان تحریک انصاف (پی ٹی آئی) کے رکن قومی اسمبلی عامر لیاقت حسین کے خلاف اندراجِ مقدمہ کیلئے سندھ پولیس سے رجوع کرلیا۔

نجی ٹی وی اے آر وائی نیوز کے مطابق ٹریفک پولیس حکام عامرلیاقت کے خلاف مقدمہ درج کرانے کیلئے فیروز آباد تھانے پہنچ گئے۔ ٹریفک حکام نے عامر لیاقت کے خلاف روزنامچہ انٹری کرادی ہے۔ حکام کا کہنا ہے کہ روزنامچہ انٹری کرادی ہے اب دیکھتے ہیں کہ ڈسٹرکٹ پولیس مقدمہ درج کرتی ہے یا نہیں۔

خیال رہے کہ عامر لیاقت حسین شہریوں سے مبینہ طور پر رشوت لینے والے ٹریفک پولیس اہلکار پر برس پڑے تھے۔ انہوں نے اہلکار سے تلخ کلامی کی ویڈیو ٹوئٹر پر شیئر کرتے ہوئے کہا تھا کہ " اپنے حلقے میں پولیس کی پیدا گیری نہیں چلنے دوں گا، عوام کو روک روک کر پیسے مانگ رہے تھے منہ کھلا ہوا ہے ان کا لاک ڈاؤں میں ، پورا دن کئی ٹریفک پولیس اور پولیس کے اہلکاروں کو پکڑا ہے۔"

مزید :

علاقائی -سندھ -کراچی -