براڈ شیٹ سکینڈل، نیب کو ایک اور جھٹکا، برطانوی ہائیکورٹ نے حکم جاری کر دیا

براڈ شیٹ سکینڈل، نیب کو ایک اور جھٹکا، برطانوی ہائیکورٹ نے حکم جاری کر دیا
براڈ شیٹ سکینڈل، نیب کو ایک اور جھٹکا، برطانوی ہائیکورٹ نے حکم جاری کر دیا

  

لندن (ویب ڈیسک) لندن ہائیکورٹ نے نیب کو حکم دیا ہے کہ وہ 13 اگست تک براڈشیٹ کو 3مختلف مدات میں مجموعی طورپر 920,000پاؤنڈ (تقریبا ً 20 کروڑ 88لاکھ پاکستانی روپے ) ادا کرے ورنہ یونائیٹڈ نیشنل بینک کو 17 اگست یہ رقم براڈ شیٹ کو اداکرنے پر مجبور کیا جائے گا۔ تاہم عدالت نے براڈ شیٹ کی جانب سے 33,646 پاؤنڈ (76لاکھ 38ہزار روپے ) سود کی ادائیگی کا دعویٰ مسترد کردیا۔

مقامی اخؓبار ’’روزنامہ جنگ‘‘ کے مطابق حکومت پاکستان اور نیب کے خلاف نیب کے دعوے کی سماعت کے بعد ماسٹر ڈویژن نے نیب کو 3 مختلف مدات میں 892,521.50 پاؤنڈ 110 پاؤنڈ اور اضافی اخراجات کی مد میں 26,296.80 پاؤنڈ براڈ شیٹ کو ادا کرنے کاحکم دیا۔ ماسٹر ڈویژن نے حکم دیا کہ نیب یہ فنڈز 10 اگست تک اپنے وکلا ایلن اور اووری کے اکائونٹ منتقل کرے اور پھر 13 اگست تک رقم براڈ شیٹ کو منتقل کردی جائے۔ حکم میں کہا گیا ہے کہ اس میں سے اگر کوئی بھی رقم مقررہ وقت کے اندر ادا نہیں کی گئی تو پھر عبوری حکم حتمی بن جائے گا اور یونائیٹڈ نیشنل بینک یہ رقم17 اگست کے اندر براڈشیٹ کو منتقل کرنے کا پابند ہوگا۔ براڈشیٹ کے وکلاء نے عدالت سے 33,646.84 سود کی ادائیگی کیلئے بھی رجوع کیا تھا لیکن عدالت نے اسے مسترد کردیا، تاہم عدالت نے براڈ شیٹ کو VAT سمیت 26,296.80 پاؤنڈ اضافی اخراجات کے طورپر ادا کرنے کا حکم دیا۔ سماعت کے دوران نیب کے وکلا نے یہ موقف اختیار کرنے کی کوشش کی یہ درخواست قبل از وقت دائر کی گئ ہے لیکن ماسٹر ڈویژن نے اس دلیل کو رد کردیا اور نیب اور اس کے وکلا پر مقدمے کی مناسب طورپر پیروی نہ کرنے پر برہمی کا اظہار کیا۔ حکومت پاکستان کے وکلاء نے براڈ شیٹ اور اس کے سی ای او کاوے موسوی کو بتایا تھا کہ وہ 1,222,037.90 ڈالر اور 110 GDP ادا کرنے کو تیار ہیں لیکن سود کی مد میں33,646.84 پاؤنڈ اور اخراجات کی مد میں 35,000 ہزار پاؤنڈ ادا نہیں کریں گے، کئی ماہ کی تاخیر کے بعد حکومت پاکستان کے وکلا نے عدالت میں مقدمے کی سماعت سے قبل گزشتہ ہفتہ بتایا تھا کہ انھیں نیب کی جانب سے 1,222,037.90 ڈالر ادا کرنے کی منظوری مل گئی ہے لیکن بات چیت اور منظوری اور دیگر رقم کے مطالبے پر فیصلہ کرنے میں تاخیر ہوئی۔

مزید :

برطانیہ -