امریکہ نے سعودی عرب کو اہم ہتھیار دینے کی منظوری دے دی

امریکہ نے سعودی عرب کو اہم ہتھیار دینے کی منظوری دے دی
امریکہ نے سعودی عرب کو اہم ہتھیار دینے کی منظوری دے دی

  

ریاض(ڈیلی پاکستان آن لائن)امریکہ نےسعودی عرب اور متحدہ عرب امارات کو میزائل شکن جدید فضائی دفاعی نظام فروخت کرنے کی منظوری دے دی۔

العربیہ کی رپورٹ کے مطابق امریکا کے محکمہ خارجہ نے سعودی عرب کو 3.05 ارب ڈالرمالیت کے 300 پیٹریاٹ میزائل جب کہ متحدہ عرب امارات کو 2.25 ارب ڈالرمالیت کے ایک اور معاہدے کے تحت 96 ٹرمینل ہائی آلٹی ٹیوڈ ایریا ڈیفنس (تھاڈ) میزائل گولے فروخت کرنے کی منظوری دے دی ہے۔

پینٹاگون نے کہا کہ یہ مجوزہ فروخت ایک شراکت دارملک کی سلامتی کو بہتربنائے گی اورامریکا کے خارجہ پالیسی کے اہداف اورقومی سلامتی کے مقاصد ممدومعاون ثابت ہوگی کیونکہ یہ ملک خطۂ خلیج میں سیاسی استحکام اور معاشی ترقی کی ایک طاقت ہے۔انہوں نے مزید کہا کہ اس فروخت سے سعودی عرب کی موجودہ اورمستقبل کے خطرات سے نمٹنے کی صلاحیت میں بہتری آئے گی۔

مزید :

عرب دنیا -