جنرل ہسپتال کے ڈیڈ ہاؤس میں شعبہ پوسٹ مارٹم قائم کرنیکی منظوری

جنرل ہسپتال کے ڈیڈ ہاؤس میں شعبہ پوسٹ مارٹم قائم کرنیکی منظوری

لاہور(جنرل رپورٹر) حکومت پنجاب نے لاہو رجنرل ہسپتال میں نو تعمیر شدہ ڈیڈ ہاؤس میں پوسٹ مارٹم کرنے کی منظوری دی ہے۔ پرنسپل پی جی ایم آئی پروفیسر ڈاکٹر غیا ث النبی طیب نے بتایا کہ مذکورہ ڈیڈ ہاؤس میں لاہور کے 17تھانوں سے لائی جانے والی نعشوں کا پوسٹ مارٹم ہو گا ۔ ان تھانوں میں شادمان ، گلبرگ ون ، ٹو ، تھری ، ڈیفنس اے ، بی ، سی ، شمالی و جنوبی چھاؤنی ، اچھرہ ، مصطفی آباد ، ملت پارک ، ریس کورس ، سرور روڈ ، غالب مارکیٹ اور گلدشت ٹاون شامل ہیں ۔ پروفیسر غیاث النبی طیب نے ڈیڈ ہاؤس میں تعینات ڈاکٹر ز و ملازمین کو ہدایت کی کہ وہ پوسٹ مارٹم کے مرحلہ میں پوری احتیاط اور ذمہ داری سے فرائض ادا کریں ۔

مزید : میٹروپولیٹن 1


loading...