وزیر اعلٰی سندھ نے میئر کراچی مہم کی حمایت کا اعلان کر دیا

وزیر اعلٰی سندھ نے میئر کراچی مہم کی حمایت کا اعلان کر دیا

کراچی (اسٹاف رپورٹر)وزیر اعلی سندھ مراد علی شاہ نے میئر کراچی کی صفائی مہم کی حمایت کا اعلان کیا ہے۔ تفصیلات کے مطابق سندھ کے وزیر اعلی مراد علی شاہ نے میئر کراچی وسیم اختر کی 100 روزہ صفائی مہم کی حمایت کا اعلان کردیا۔ مراد علی شاہ نے کہا کہ شہری نہیں جانتے کہ علاقہ کنٹونمنٹ کا ہے یاڈی ایم سی کا، عوام کو صرف مسائل کے حل سے دلچسپی ہے۔وزیر اعلی نے 10 روز میں یونیورسٹی روڈ کی مرمت کی ہدایت کرتے ہوئے کہا کہ افسوس کی بات ہے کہ شہر کے گٹر بہہ رہے ہیں، کچرا منہ چڑا رہا ہے۔وزیر اعلی کی جانب سے صفائی مہم کی حمایت پر میئر کراچی وسیم اختر نے مسرت کا اظہار کیا۔ انہوں نے کہا کہ وزیر اعلی کی شمولیت کے بعد خود کومضبوط محسوس کر رہا ہوں۔انہوں نے اعتراف کیا کہ ماضی میں اقتدار ملنے کے باجود عوام کو ڈلیور نہ کر سکے۔ وسیم اختر نے کہا کہ برسوں کا بگاڑ سدھارنے میں وقت لگے گا۔ اس بار سب مل کر نیک نیتی سے کام کریں گے۔واضح رہے کہ میئر کراچی نے چند روز قبل شہر کی 100 روزہ صفائی مہم کا اعلان کیا تھا جس کا کل آغاز کردیا گیا۔

مزید : راولپنڈی صفحہ اول


loading...