عمران فاروق قتل کیس میں ایم کیو ایم لند ن کے رہنما محمد انور کے وارنٹ گرفتاری جاری

عمران فاروق قتل کیس میں ایم کیو ایم لند ن کے رہنما محمد انور کے وارنٹ گرفتاری ...
عمران فاروق قتل کیس میں ایم کیو ایم لند ن کے رہنما محمد انور کے وارنٹ گرفتاری جاری

  


اسلام آباد (مانیٹرنگ ڈیسک) عمران فاروق قتل کیس میں ایم کیو ایم لندن کے مرکزی رہنما محمد انور کے وارنٹ گرفتاری جاری کردیے گئے ۔

تفصیلات کے مطابق عمران فاروق قتل کیس میں اہم پیشرفت ہوئی،ایف آئی اے نے الطاف حسین کے قریبی ساتھی اور پارٹی رہنما عمران فاروق قتل کیس میں ایم کیو ایم لندن کے محمد انور کے وارنٹ گرفتاری جاری کر دیے گئے ہیں۔اس کے علاوہ سی ٹی ڈی نے قتل میں نامزد ملزم افتخار حسین اور کاشف کامران کی گرفتاری کے لئے بھی وارنٹ جاری کردیئے ہیں۔

ایف آئی اے کے کاو¿نٹر ٹیررازم ڈیپارٹمنٹ نے محمد انور سمیت نامزد ملزم افتخار حسین اور کاشف کامران کی گرفتاری کیلئے وارنٹ نکال دیئے۔کیس میں نامزد ملزمان محسن علی، معظم علی اورخالد شمیم پاکستانی جیل میں قید ہیں۔

دوسری جانب برطانیہ اور پاکستان میں قتل کیس کی تحقیقات جاری ہے، اسکاٹ لینڈ یارڈ نے پاکستانی حکام کی مدد سے ملزمان کے ڈی این اے اور فنگرپرنٹس حاصل کیے ہیں جو حاصل ہونے والے ثبوتوں سے میچ بھی کرچکے ہیں۔

یاد رہے کہ ایم کیوایم کے سینئر رہنما عمران فاروق کو 16 ستمبر2016 ءکو لندن میں گرین لین کے علاقے میں اس وقت قتل کیا گیا تھا جب وہ اپنے کام سے واپس گھر کی طرف لوٹ رہے تھے۔

مزید : قومی /اہم خبریں


loading...