گورنر ہاؤس لاہور کی دیواریں گرانے کا کام شروع ، آہنی جنگلہ لگایا جائیگا
لاہور(مانیٹرنگ ڈیسک)وزیراعظم عمران خان کی ہدایت پر گورنر ہاؤس پنجاب کی دیواریں گرانے کا کام شروع کر دیا گیا،الحمرا کے سامنے مال روڈ پر گورنر ہاؤس کی دیواروں سے جنگلے بھی اْتار لیے ہیں۔دوسری طرف چیئرمین قومی ورثہ کمیشن شفقت محمود کا کہنا ہے کہ گورنرہاؤس کی عمارت کو قطعی طورپر نہیں گرایا جارہا بلکہ گورنرہاؤس کی دیوار کی جگہ خوبصورت آہنی جنگلہ لگایا جائے گا اور گورنرہاؤس میں آرٹ گیلری بھی قائم کی جائے گی۔وفاقی وزیر کا کہنا تھا کہ گورنرہاؤس میں بوٹینیکل گارڈن بنایا جائے گا اور میوزیم بھی قائم کیا جارہا ہے جبکہ کراچی اورپشاور کے گورنرہاوسز میں بھی مناسب تبدیلیاں لانے کا فیصلہ کیا گیا ہے، نتھیا گلی گورنرہاؤس کو ہوٹل میں تبدیل کیا جارہا ہے۔
گورنر ہاؤس
