”کن بنیادوں پر دعویٰ کرتے ہیں کہ خیبرپختونخوا کو جنت بنا دیا گیا ؟ “ چیف جسٹس یہ ریمارکس کس کیس میں دیئے ؟ سن کر عمران خان بھی پریشان ہو جائیں گے

”کن بنیادوں پر دعویٰ کرتے ہیں کہ خیبرپختونخوا کو جنت بنا دیا گیا ؟ “ چیف ...
”کن بنیادوں پر دعویٰ کرتے ہیں کہ خیبرپختونخوا کو جنت بنا دیا گیا ؟ “ چیف جسٹس یہ ریمارکس کس کیس میں دیئے ؟ سن کر عمران خان بھی پریشان ہو جائیں گے

  

اسلام آباد(ڈیلی پاکستان آن لائن ) چیف جسٹس پاکستان جسٹس میاں ثاقب نثار نے خیبر پختونخوا کے ہسپتالوں کے فضلے کی تلفی کے ازخود نوٹس کیس کی سماعت کے دوران ریمارکس دیتے ہوئے کہا کہ کن بنیادوں پر آپ یہ دعویٰ کرتے ہیں کہ کے پی کو جنت بنا دیا گیا ہے ، مریضوں کو جانوروں سے بھی بدتر حالت میں رکھا جا رہاہے ، لوگ اپنے گھروں میں کتوں کو بھی ایسے نہیں رکھتے۔

تفصیلات کے مطابق چیف جسٹس پاکستان کی سربراہی میں سماعت شروع ہوئی تو صوبائی سیکرٹری صحت عدالت میں پیش ہوئے۔چیف جسٹس نے اس موقع پر استفسار کیا خیبرپختونخوا کے وزیر صحت کیوں نہیں آئے، سیکرٹری صحت ہر بار پیش ہو جاتے ہیں۔چیف جسٹس نے سیکریٹری صحت سے استفسار کیا کہ آپ نے پشاور مینٹل اسپتال کا دورہ کیا ہے جس پر انہوں نے کہا گزشتہ ہفتے گیا تھا۔

چیف جسٹس نے کہا وہاں انسانوں کو جانوروں سے بھی بدتر حالت میں رکھا جا رہا ہے، لوگ اپنے گھروں میں کتوں کو بھی اس طرح نہیں رکھتے۔ سیکرٹری صحت خیبرپختونخوا نے کہا کہ آپ کے دورے کے بعد بہتری کے لیے کافی اقدامات کیے ہیں، ایک الگ کیمپس بھی قائم کر رہے ہیں۔چیف جسٹس نے کہا کہ میں سیمپل لایا تھا وہاں دوائیاں زائد المعیاد ہیں اور ڈاکٹر بھی نہیں جاتے، کن بنیادوں پر آپ یہ دعویٰ کرتے ہیں کہ کے پی کو جنت بنا دیا گیا، صوبے کی حالت بدترین ہے۔چیف جسٹس نے کہا کہ میں تین چار دن بعد دوبارہ دورہ کر کے دیکھوں گا کہ کیا بہتری آئی ہے۔عدالت نے کیس کی سماعت 2 ماہ کے لیے ملتوی کردی۔

مزید :

قومی -