نواز شریف کے دماغ کی سرجری ہوگی یا سٹنٹ ڈالا جائے گا:ڈاکٹر عدنان 

نواز شریف کے دماغ کی سرجری ہوگی یا سٹنٹ ڈالا جائے گا:ڈاکٹر عدنان 
نواز شریف کے دماغ کی سرجری ہوگی یا سٹنٹ ڈالا جائے گا:ڈاکٹر عدنان 

  



لندن(ڈیلی پاکستان آن لائن)سابق وزیراعظم نوازشریف کےذاتی معالج ڈاکٹر عدنان نےکہاہےکہ سابق وزیراعظم کے دماغ کی شریان کی سرجری ہوگی یا اُس میں سٹنٹ ڈالا جائے گا۔

لندن میں میڈیا سے بات کرتے ہوئے سابق وزیراعظم نواز شریف کے ذاتی معالج ڈاکٹر نے بتایا کہ نواز شریف کے پلیٹ لیٹس کانٹ غیر مستحکم ہیں جنہیں ادویات کے ذریعے خاص سطح پر رکھا جارہا ہے،دماغ کو خون منتقل کرنے والی شریان کے علاج کے لیے ویسکیولر سرجن کی خدمات حاصل کی ہیں، ویسکیولر سرجن دوبارہ نواز شریف کا معائنہ کریں گے اور سابق وزیراعظم کے دماغ کی شریان کی سرجری کی جائے گی یا سٹنٹ ڈالا جائے گا۔ڈاکٹر عدنان کا کہنا تھا کہ نواز شریف کے مرض کی مزید تحقیقات جاری ہیں اور ریگولر فالو اَپ جاری ہے، جس میں خون کے ٹیسٹ بھی شامل ہیں، لاہور میں نواز شریف کو دل کا دورہ بھی پڑا تھا اس لیے کارڈیالوجی کی ایک ٹیم بھی نواز شریف کا معائنہ کررہی ہے، انجیو گرام اور انجیو پلاسٹی پی سی آئی کیا جائے گا۔

یاد رہے کہ کچھ دن قبل غیر ملکی ڈاکٹر نے لندن میں نواز شریف کے دوران علاج انکشاف کیا تھا کہ ان کے دماغ کو خون پہنچانے والی شریان 80 فیصد تک بند ہے۔

مزید : قومی /برطانیہ