بنگلہ دیش پر یمیر لیگ کے لئے پاکستانی کرکٹرز کو این او سی دینے کا فیصلہ

  بنگلہ دیش پر یمیر لیگ کے لئے پاکستانی کرکٹرز کو این او سی دینے کا فیصلہ

  



لاہور(مانیٹرنگ ڈیسک)پاکستان کرکٹ بورڈ نیبنگلہ دیش پریمیر لیگ (بی پی ایل) کے لیے قومی کرکٹرز کو این او سی دینے کا فیصلہ کیاہے۔ٹی ٹین کرکٹ لیگ کے بعد یہ پہلی لیگ ہے جس کے لیے قومی کرکٹرز کو کھیلنے کی اجازت دی گئی ہے۔ پی سی بی ذرائع کے مطابق شعیب ملک اور محمد عرفان کو اب تک این او سی دیے گئے ہیں۔دوسرے کرکٹرز کے رابطے کرنے پر این او سی کا فیصلہ کر دیا جائے گا۔ وہاب ریاض،آصف علی، شاہد آفریدی اور محمد عامر کے بھی بی پی ایل میں معایدے ہوچکے ہیں۔ محمد نواز، عماد وسیم اور محمد موسی بھی بی پی ایل کے لیے سائن کرنے والوں میں شامل ہیں۔واضح رہے کہ بی پی ایل 6 دسمبر سے 11 جنوری تک جاری رہے گی۔

مزید : کھیل اور کھلاڑی