سندھ میں ٹائیفائیڈ سے بچاؤ کی ویکسی نیشن مہم میں توسیع
کراچی(اسٹاف رپورٹر)حفاظتی ٹیکہ جات پروگرام سندھ نے صوبے میں ٹائیفائیڈ سے بچاؤ کی ویکسی نیشن مہم میں توسیع کردی ہے۔تفصیلات کے مطابق اسکولوں اور اسپتالوں میں بچوں کو 2 سے 7 دسمبر تک ٹائیفائیڈ سے بچاؤ کے ٹیکے لگائے جائیں گے۔اس ضمن میں پروجیکٹ ڈائریکٹر ای او سی سندھ ڈاکٹر اکرم سلطان نے بتایا کہ سندھ میں جاری مہم کے دوران اب تک 90 لاکھ سے زائد بچوں کو ٹائیفائیڈ سے بچاؤ کے ٹیکے لگائے گئے ہیں۔90فیصد کا ہدف مکمل کرنے میں کامیاب ہوئے ہیں۔کچھ دن اور ویکسین مہم جاری رکھیں گے جس سے مزید بچوں کو فائدہ ہوگا۔انہوں نے کہا کہ کراچی کے ای پی آئی سینٹرز میں بھی ویکسینیشن جاری رہے گی۔ ایک کروڑ سے زائد بچوں کو ٹیکے لگانے کا ہدف حاصل کرنے کے لئے توسیع کا فیصلہ کیا گیا۔