بھیک مانگنے کیلئے عمرے کی آڑ میں سعودی عرب جانیوالا گروہ پکڑا گیا

بھیک مانگنے کیلئے عمرے کی آڑ میں سعودی عرب جانیوالا گروہ پکڑا گیا
بھیک مانگنے کیلئے عمرے کی آڑ میں سعودی عرب جانیوالا گروہ پکڑا گیا
سورس: File Photo

  IOS Dailypakistan app Android Dailypakistan app

ملتان (ویب ڈیسک) ایف آئی اے امیگریشن نے ملتان ایئرپورٹ پر کارروائی کرتے ہوئے بیرون ممالک بھیک مانگنے کی غرض سے جانیوالے 9 مسافروں کو آف لوڈ کر دیا۔

ترجمان کے مطابق ملزمان عمرے کی آڑ میں بھیک مانگنے کی غرض سے سعودی عرب جارہے تھے، ملزمان فلائٹ نمبر پی اے 870 سے سعودی عرب جانے کی کوشش کی۔ ابتدائی تفتیش کے مطابق خاتون ایجنٹ بھی ملزمان کی ہمراہ جارہی تھی، ملزمان کے پاس کسی  ہوٹل کی بکنگ نہیں تھی، اس گروپ میں 6 خواتین اور 2 مرد شامل ہیں۔

ترجمان کا کہنا تھا کہ ملزمان کو تفتیش اور قانونی کارروائی کے اینٹی ہیومن ٹریفکنگ سرکل ملتان منتقل کردیا گیا۔ترجمان کا کہنا تھا کہ بیرون ممالک گداگری میں ملوث عناصر کے خلاف سخت کریک ڈاؤن جاری ہے، ڈائریکٹر جنرل ایف آئی اے کی ہدایت پر مسافروں کی سخت اسکرینگ کی جاری ہے، بھیک مانگنے میں ملوث ملزمان کے پاسپورٹس بلیک لسٹ کئے جائیں گے۔