علیمہ خان کو دبئی فلیٹس پر بقیہ ٹیکس کی رقم ادا کرنے کیلئے مزید کتنی مہلت دی گئی ہے ؟ بڑی خبر آ گئی

علیمہ خان کو دبئی فلیٹس پر بقیہ ٹیکس کی رقم ادا کرنے کیلئے مزید کتنی مہلت دی ...
علیمہ خان کو دبئی فلیٹس پر بقیہ ٹیکس کی رقم ادا کرنے کیلئے مزید کتنی مہلت دی گئی ہے ؟ بڑی خبر آ گئی

  


لاہور (ڈیلی پاکستان آن لائن ) وزیر اعظم عمران خان کی ہمشیرہ علیمہ خان کے دبئی فلیٹس پر بقیہ ٹیکس کی ریکوری کیلئے ایف بی آر نے نوٹس جاری کرتے ہوئے 7 فروری تک کی مہلت دے دی۔ عدم ادائیگی پر اکاو¿نٹس منجمد کرکے ریکوری مکمل کی جائے گی۔

نجی اخبا ر دنیا نیوز نے ذرائع کے حوالے سے دعویٰ کیا ہے کہ قبل علیمہ خان نے ایف بی آر کو 13 جنوری کو 73 لاکھ روپے کی ادائیگی کردی تھی اور بقیہ ٹیکس 2 کروڑ 21لاکھ روپے کی ادائیگی کیلئے ایف بی آر سے 21جنوری تک مہلت مانگی تھی جبکہ ذرائع کے مطابق علیمہ خان نے 2 کروڑ 21لاکھ روپے کی قسطوں میں ادائیگی کیلئے چیئرمین ایف بی آر کو درخواست بھی دی تھی۔

اقساط کے حوالے سے ایف بی آر کی جانب سے کوئی فیصلہ نہیں کیا گیا۔ علیمہ خان نے دبئی میں 28 لاکھ 78ہزار درہم سے زائد مالیت کا فلیٹ خریدا تھا، جس پر ایف بی آر نے علیمہ خان پر ٹیکس اور جرمانہ کی مد میں 2 کروڑ 94 لاکھ 15 ہزار 6 سو روپے عائد کئے تھے۔

وزیراعظم عمران خان کی بہن علیمہ خان نے جرمانہ اور ٹیکس کی کل رقم کا 25 فیصد ادا کر دیا تھا، جبکہ بقیہ ٹیکس کی ادائیگی مقرر کردہ تاریخ گزر جانے کے بعد بھی نہ کی۔ ایف بی ا?ر ذرائع کے مطابق اب علیمہ خان نے 7 فروری تک ٹیکس ادا نہ کیا تو اکاو¿نٹس منجمد کرکے ریکوری مکمل کی جائے گی۔

مزید : قومی


loading...