’میں کسانوں کے ساتھ کھڑی ہوں‘ سابق فحش اداکارہ میا خلیفہ کھل کر میدان میں آگئیں، مودی سرکار کو مرچیں لگادیں
نیویارک (ڈیلی پاکستان آن لائن) فحش فلموں کی سابق لبنانی اداکارہ میاخلیفہ نے کھل کر بھارتی کسانوں کی حمایت کردی۔
میا خلیفہ نے اپنے ایک ٹویٹ میں کسانوں کی حمایت کرتے ہوئے کہا کہ یہ کس قسم کی انسانی حقوق کی خلاف ورزی کی جا رہی ہے؟ کیا انہوں نے نئی دلی میں انٹرنیٹ معطل کردیا ہے؟
What in the human rights violations is going on?! They cut the internet around New Delhi?! #FarmersProtest pic.twitter.com/a5ml1P2ikU
— Mia K. (Adri Stan Account) (@miakhalifa) February 3, 2021
میا خلیفہ کے اس ٹویٹ پر بھارتی سوشل میڈیا صارفین کی جانب سے سخت رد عمل کا اظہار کیا گیا اور ان پر پیسے لے کر ٹویٹ کرنے کا الزام لگایا۔ اس الزام کا جواب دیتے ہوئے میا خلیفہ نے ایک بزرگ کسان کی تصویر شیئر کرتے ہوئے کہا کہ کیا ہمیں پیسے دیے گئے؟ انہوں نے بزرگ کسان کی طرف اشارہ کرتے ہوئے کہا کہ کیا ہی زبردست کاسٹنگ ڈائریکٹر ہے، امید ہے کہ جب ایوارڈز کا سیزن آئے گا تو انہیں نہیں بھلایا جائے گا، ’ میں کسانوں کے ساتھ کھڑی ہوں۔‘
“Paid actors,” huh? Quite the casting director, I hope they’re not overlooked during awards season. I stand with the farmers. #FarmersProtest pic.twitter.com/moONj03tN0
— Mia K. (Adri Stan Account) (@miakhalifa) February 3, 2021
میا خلیفہ کے علاوہ امریکی گلوکارہ ریحانہ نے بھی گزشتہ روز ایک ٹویٹ کرکے کسانوں کے ساتھ یکجہتی کا اظہار کیا تھا۔ اس کے علاوہ ماحولیاتی تحفظ کی نوجوان کارکن گریٹا تھنبرگ نے بھی کسانوں کے حق میں آواز بلند کی۔
دنیا کی مشہور شخصیات کی جانب سے کسانوں کی حمایت پر مودی سرکار سٹپٹا اٹھی اور ان پر سنسنی پھیلانے کا الزام عائد کردیا۔ بھارت کے دفتر خارجہ نے اپنے ایک بیان میں کہا ہے کہ ’پارلیمان نے بحث اور بات چیت کے بعد ہی زرعی شعبے میں قانونی اصلاحات کی ہیں، سوشل میڈیا پر سنسنی پھیلانے والے ہیش ٹیگز اور بیانات، خاص کر جب ان میں معروف شخصیات ملوث ہوں، یہ حقائق پر مبنی نہیں اور غیر ذمہ دارنہ ہے۔‘
