’ بہن کو طلاق کیوں دی ‘ گجرات میں لڑکی کے بھائیوں نے بہنوئی ڈاکٹر پر فائرنگ کر دی ، کتنی گولیاں چلائیں ؟ افسوسناک واقعہ
گجرات (ڈیلی پاکستان آن لائن )گجرات میں بہن کو طلاق دینے پر بھائیوں نے بہنوئی ڈاکٹر پر فائرنگ کر دی ، معجزانہ طور پر شخص بچ گیا تاہم ہسپتال میں زیر علاج ہے ۔
تفصیلات کے مطابق گجرات کے علاقہ تھانہ سول لائنز میں یہ انتہائی افسوسناک واقعہ پیش آیاہے جس کی سی سی ٹی وی فوٹیج سامنے آئی ہے ، ویڈیو میں ملزمان ڈاکٹر پر گولیاں چلاتے ہوئے دیکھے گئے ، انہوں نے ڈاکٹر پر 12 گولیاں چلائیں ، گولیاں لگنے کے باعث وہ زمین پر گر جاتا ہے ملزم پھر بھی اس پر گولی چلاتے ہیں لیکن وہ معجزانہ طور پر بچ جاتا ہے ، اس کو زخمی حالت میں ہسپتال منتقل کردیا گیا جہاں اس کا علاج جاری ہے ۔ملزمان موقع سے فرار ہو گئے ، پولیس نے چار افراد کے خلاف مقدمہ درج کیاہے جن میں دو معلوم اور دو نامعلوم ہیں، لیکن اب تک ایک بھی ملزم گرفتار نہیں ہو سکا ہے ،ملزمان کو رنج تھا کہ ڈاکٹر نے ان کی بہن کو طلاق دیتے ہوئے دوسری شادی کر لی ہے ۔
