عمران خان کا 33 نشستوں پر ضمنی الیکشن میں خود حصہ نہ لینے کا فیصلہ
لاہور (ڈیلی پاکستان آن لائن) چیئرمین پاکستان تحریک انصاف عمران خان نے قومی اسمبلی کی 33 نشستوں پر ضمنی الیکشن میں خود حصہ لینے کا فیصلہ بدل لیا، جن ارکان نے استعفے دیئے، اب وہی انتخاب لڑیں گے۔
نجی ٹی وی ڈان نیوز کے مطابق قبل ازیں سابق وزیراعظم عمران خان نے 33 نشستوں پر ضمنی الیکشن خود لڑنے کا فیصلہ کیا تھا، بدلتی صورت حال کے پیش نظر فیصلہ تبدیل کر لیا۔عمران خان نے سابقہ اراکین اسمبلی کو کاغذات نامزدگی جمع کرانے اور انتخابی مہم شروع کرنے کی ہدایت کر دی۔
الیکشن کمیشن نے 33 حلقوں میں ضمنی انتخاب کیلئے 16 مارچ کا شیڈول جاری کر رکھا ہے۔
